FSB binalarında rus quvetçileri, işğal etilgen Qırımdan 6 saqatlı siyasiy mabüsni tutıp qapattılar. Daa bir Qırımnıñ II. gruppanıñ saqatlı sakini, ev tevqifi astında buluna.
Qırımtatar Maaliy Merkezi (QMM) bu aqqında haber berdi.
QMMniñ bilgilerine köre, FSBniñ binalarında aşağıdaki adamlar tutulıp qapatıldı:
- Zekirya Muratov – III. gruppanıñ saqatlığı,
- Oleksandr Sizikov – I. gruppanıñ saqatlığı,
- Timur İbragimov – III. gruppanıñ saqatlığı,
- Servet Gaziev – II. gruppanıñ saqatlığı,
- Amet Süleymanov – III. gruppanıñ saqatlığı,
- Timur Yalkabov – III. gruppanıñ saqatlığı.
QMM haber berdi ki, II. gruppanıñ saqatlı olğan Remzi Kurtnezirov şu anda ev tevqifi astında buluna.
"Bu insanlar ağır hastalar. SİZO ve apishanelerdeki uyğun olmağan şartlar sebebinden, sağlığına şikâyetlerini körmemezlikke urğanları sebebinden, tibbiy yardım bermegenleri sebebinden olarnıñ sağlıq alı zayıflaşıp tura. Yazıq ki, bunıñ qorqunçlı neticeleri de bar, II. gruppanıñ saqatlığına saip olğan 60 yaşındaki siyasiy mabüs Cemil Ğafarv vefat etti", – merkez bildirdi.
Telegram ve Facebookta Suspilne Qırım haberlerine abune oluñız
