Partizanlar, qırımda rus işğalcilerini nezaret etmege devam eteler. Şu cümleden, "Аteş" areketiniñ agentleri, işğal etilgen Kezlevde RF SQniñ arbiy yük maşnalarınıñ faaligini qayd ettiler.
Öz Telegram kanalında arbiy-vatanperver areketi bu aqqında haber berdi.
"Bizim agentimiz, Kezlevdeki mal durağında işğalcilerniñ arbiy yük maşnalarınıñ faaligini qayd etti. İstihbarat etip, arbüy yük maşnalarına alıp qoyulğan qurucılıq mallarınen trenlerni taptıq", — bildirildi.
Qırım partizanlarınıñ bilgilerine köre, yaqın kelecekte Qırımnıñ ğarbiy yalısında qorçalayıcı bünyelerni qurmaq içün qullanılacaq.
"RFnıñ standart areket tarzı — arbiy maqsatlarnen içtimaiy astyapını qullanmaq ve böylece ateşlerden qaçınmaqtır. Lâkin bizim agentlerimiz er şeyni köreler ve işançlı insanlarğa bu malümat añlatalar", — Ateş qayd etti.
Telegram ve Facebookta Suspilne Qırım haberlerine abune oluñız
