İşğalciler, qırımtatarlarğa qol tutqan ve şura akimiyeti tarafından olarnıñ sürgünligine qarşı çıqqan general-muhalif Petro Ğrığorenko eykelini keçirdiler. Qırımtatar Milliy Meclisiniñ teşebbüsinen ve Ukraina Milliy Areketiniñ yardımınen 1999 senesi Aqmescit şeeriniñ Sovetskaya meydanına eykel qoyuldı.
Qırımtatar Milliy Meclisiniñ başınıñ muavini İlmi Umerov Suspilne Qırımğa bu aqqında haber berdi.
O qayd etti ki, işğal etilgen Qırımda yaşağan tanışı, general Petro Ğrığorenko eykeliniñ keçirilgeni aqqında mayıs ayınıñ 27. künü bunı añlattı.
"Mayıs ayınıñ 18. kününden evel onı keçirgenler. O, pek rağbetli olmağa bir yerde edi ve adamlar buña diqqat etmegen ola bilirler. Belki de anda er kes, bu “akimiyet”ten o qadar qorqa eki, adamlar bir şey bile aytmağa qorqalar”, - Meclisniñ başınıñ muavini añlattı.
İlmi Umerov, general-muhalif Petro Ğrığorenkonıñ qırımtatarlarını destegini añlattı.
"O, sürgünlikten Vatanına qaytuv içün küreşinde qırımtatarlarnı faalca destek etken edi”, - Meclisniñ başınıñ muavini qayd etti.
İlmi Umerov qoştı ki, Petro Ğrığorenko Mustafa Cemilevge qarşı makeme oturışlarına ketken edi. Makeme oturışlarından birini ziyaret etmek içün Taşkentke bile ketti.
Meclisniñ başınıñ muaviniñ sözlerine köre, qırımtatarlar Petro Ğrığorenkoğa musafirlikke ketken ediler. O da olarnı evinde yaşamağa teklif etken, elinden kelgenine qadar yardım etken edi.
İlmi Umerov qayd etti ki, Qırımda işğalli akimiyet qırımtatar degil, ukrain mirasınen daa çoq küreşe.
"Olar (işğalciler - muar.) er şeyden raatsızlanalar: ukrain mektepleri, ukrain sınıfları, ukrain tili, mında ise tam general… Olar, qırımtatar degil, ukrain er şeyini daa şiddetli şekilde yoq eteler. Ukrain mektepleri yoq, qırımtatar mektepleri ise başqa şekilde, amma saqlanıldı. Qırım işğal etilmeden evel bunlar, dersleri qırımtatar tilinde alıp berilgen mektepler edi, şimdi ise qırımtatarlar içün rus tilindeki mektepler bar. Qırımtatar mektepleri endi yoq, amma bizim teşkil etkenimiz ve qırımtatar dersleri olmağanına baqmadan qırımtatarlarnıñ barğanları mektepler bar", — añlattı o.
Aqmescitteki general Petro Ğrığorenko eykeli aqqında ne bilemiz
Qırımtatar Milliy Meclisiniñ teşebbüsinen ve Ukraina Milliy Areketiniñ yardımınen, amma şeer akimiyetinden izin almadan 1999 senesi Aqmescit şeeriniñ Sovetskaya meydanına general-muhalif Petro Ğrığorenko eykeli qoyuldı.
2004 senesi Aqmescit şeer şurası, eykelniñ statusınıñ qanunligini tanıdı ve etrafındaki topraqnı Petro Ğrığorenko adına şeer bağçası adlandırmağa qarar aldı.
Mayıs ayınıñ 13. künü rus “ASTRA” haber berdi ki, çiçek ayınıñ 27. künü yerli sakinler eykelniñ ğayıp olğanını qayd ettiler. İşğalli akimiyet bu areketni “tamir” olaraq añlattı.
"Resmiy bilgilerge köre, Aqmescitniñ yerli öz-özüni idare etüv memuriyetinde eykelniñ keleceginen bağlı qarar alâ daa almadılar. Onı yerge qaytarıp-qaytarmaycağını sordılar ve: “Bu topraqnı abadanlaştırmağa bitirecek soñ qarar alacaqmız”, dep memuriyet cevap berdi”, — ASTRA haber berdi.
Telegram ve Facebookta Suspilne Qırım haberlerine abune oluñız
