Mayıs ayınıñ 23. künü Kıyiv şeerinde Ukraina Milliy bankında Ukrainanıñ UNESCOda azalığınıñ 70. seneligine "Örnek. Qırımtatar örnegi" hatıra kapigini taqdim ettileri. 2021 senesi örnek, UNESCOnıñ maddiy olmağan medeniy mirası cedveline kirsetildi.
Suspilne Qırım mühbiri bu aqqında haber berdi.
Taqdim vaqtında Milliy banknıñ başınıñ muavini Oleksiy Şabannıñ bildirgenine köre, UMB Ukrainanıñ maddiy olmağan medeniy mirasınıñ çeşitliginen, onıñ qırımtatar qısmınıñ özdeşligi ve tekrarlanmazlığınen ğururlana.
"Qırımnıñ tamır halqına ürmet köstermek ve Ukrainanıñ UNESCOnı azalığınıñ 70. seneligine biz, qırımtatarlarnıñ milliy özdeşliginiñ ayırılmaz qısmı olağn yekân örnekke bağışlanğan kapikni taqdim etemiz. İnanamız ki, bu kapikler, Qırımnı işğalden azat etüvini ve qırımtatar halqınıñ vatanında - ukrain Qırımında serbest yaşayışını keanet etken nasıldır bir amayıl olacaq", — qayd etti.
Kapikniñ aversinde kerfegge egilgen qırımtatar nağışçısı kösterildi. Yuqarısında büyük arifkernen "Ukraina", aşağında "Örnek", ukrain devlet tamğası, denominasiyası ve grivnanıñ grafik timsali, çıqaruv senesi — 2024 yazılğan.
Kapikniñ başqa tarafında aile qıymetleri ve aile ağlarını tesmil etmek örnek bar. Bu aile aqay, apay ve eviniñ timsallerinden ibaret ola. Kapikniñ merkeziy tik taraflarında aile birligi ve aenkligini köstergen tam manalı örnek yaratqan balalarnın timsalleri bar.
"Bu kapikniñ avesi ve reversinde qırımtatar örengine bağışlanğan mevzunı köre bilesiñiz. Kapikte qayd etilgen qıymetler, tamam aile qıymetleridir. Em ukrain, em de qırımtatar halqlarına has olğan böyle teren manası bar", — "Alem" cemaat teşkilâtınıñ başı Esma Aciyeva añlattı.
Kapikler 5 ve 10 grivnadır, soñkileri kümüşten ve daa kiçik sayıda işlep çıqarıldı.
UMBnıñ numizmatik mahsulat idaresiniñ reberi Yevhen Kondrateknonıñ sözlerine köre, böylece para vastasınen tarihiy vaqia ve bu kapikniñ manası aqqında hatıra qaldıralar.
"Bunıñ içün bu vastasınen, bizim böyle maarif işimiz yardımınen tüşünemiz ki, kelecek nesiller ve şimdiki nesil içün pek müimdir", — tafsilâtlıca ayttı.
Milliy banknıñ numizmatik internet tükânında ve distribyutor olğan banklarda "Örnek. Qırımtatar örnegi" hatıra kapigini satın almaq mümkün.
Telegram ve Facebookta Suspilne Qırım haberlerine abune oluñız
