İşğal etilgen Qırımda özek silâlını saqlamaq ve hızmet etmek içün qurulğan obyektler viran etilmedi. Şu anda yarımadada tahminen 230 arbiy obyekt bar.
Qırımtatar Milliy Meclisiniñ başı Refat Çubarov Novını.LIVEge bu aqqında haber berdi.
Meclisniñ başınıñ qayd etkenine köre, arbiy astyapığa ait olğan obyektler arasında arbiy garnizonlar, uçaq limanları, silâ ve tehnika saqlanmaq içün sığınaqlar ve statsionar zenit-raketa kompleksleri (ZRK).
"Qırım pek çoq arbiyleştirildi", — dep Çubarov bildirdi.
O qayd etti ki, işğal etilgen Qırımda özek silâsı ve deñiz arbiy gemilerde qullanılğan silânı saqlamaq ve hızmet etmek içün qurulğan obyektler bar. Bu binalar, özek silâsınen torpedalar içün qullanılğan.
“Amma anda özek silâsı olıp-olmağanını bilmeyim, men bellesem, onı alıp tutmaq pek zor. Çünki işğalciler Rusiyeniñ yalılarına, Novorosiyskke daa yaqın gemilerini alıp ketirdiler. Böylece büyük ğayıpları sebebinden Qırımdaki uçaq limanlarında Rusiyege uçaqlarını alıp ketirdiler”, — dep Çubarov qoştı.
Telegram ve Facebookta Suspilne Qırım haberlerine abune oluñız
