Aqmescitteki işğal makemesi, rus devlet timsallerini ürmet etmek, vandallıq ve patlayıcı aletni saqlmaqta qabaatlanğan yerli sakin Mıkola Onukqa üküm çıqardı.
Qırımnıñ sakinlerine qarşı makeme davalarını nezaret etken "Qırım ketişatı" teşebbüsi bu aqqında haber berdi.
Uquq qorçalayıcılar qayd ettiler ki, "makemeci" Yevheniya romanenko, faalci Mıkola Onuknıñ rus devlet timsallerini ürmet etmek, vandallıq ve patlayıcı aletni saqlmaqta qabaatını tanıdı ve 5 senege maküm etti, 50 000 ruble (15 000 grivna) cezasını berdi
Bildirildi ki, faalciniñ makeme oturışı qapalı edi. İştirakçiler olmadan ükümniñ kiriş ve netice qısmı da oqundı.
"Qırım ketişatı" añlattı ki, 2023 senesi arman ayında Mıkola Onuk tutuldı. O zaman rus quvetçileri onıñ evini tintmege keldiler. Em bu ceryan vaqtında çeşitli ukrain timsallerinen fayllarnı taptılar. O timsaller, "Sarı şerit" areketiniñ tarqatqanı timsallerge beñzeyler.
2024 senesi qara qış ayında rus teşviqatçıları, onıñ ukrain malümat-ruhiy operatsiyaları merkeziniñ ageti olğanını bildirdiler.
Neticesinde Onuk, üç maddege köre qabaatlandı – RF CQniñ 222.1, 214, 329. Bu maddelerge köre, patlayıcı malzemelerni qanunsız aluv, berüv, satuv, saqlanuv, alıp ketirüv, yollama ya da yanına aluv, vandallıq ve Rusiyeniñ devlet tamğası ya da bayrağını ürmet etmemenen bağlıdır.
Faqat qabaatınıñ soñ eki qısmınıñ tafsilâtları belli degil, çünki ne resmiy menbalar, ne uquq qorçalayıcı organlar rolu malümat berdiler.
Telegram ve Facebookta Suspilne Qırım haberlerine abune oluñız
