Qırımtatarlarnıñ Vatanı olğan Qırımğa seyaat: Kıyivde "Efsane" oyunı olacaq

Qırımtatarlarnıñ Vatanı olğan Qırımğa seyaat: Kıyivde "Efsane" oyunı olacaq

Ексклюзивно
"Efsane" oyunı
"Efsane" oyunı. QIRIM.News

Mayıs ayınıñ 18. künü Qırımtatar halqınıñ genotsid fedalarınıñ hatıra kününe üç qırımtatar masalını birleştirgen "Efsane" oyunı Kıyivde olacaq.

Oyunnıñ rejissöri ve bediiy reberi Ahtem Seitablaev Suspilne Qırımpa bu aqqında habe berdi.

"Efsane" — bütün aile içün eraqlı muzıka-dramatik plastik oyunıdır. Bu acayip oyun sevgi, sadıqlıq, vefadarlıq ve aile munasebetleri aqqında inanılmaz ikâyelerni birleştirecek.

Oyun çerçivesinde qırımtatar oyunlarınıñ güzelliniden zevqlanmaq, qırımtatar bestekârı Usein Bekirovnıñ yazğanı ananeviy muzıkanı diñlemek ve baş rejisör Ahtem Seitablaevden duyğulı ve ruh zenginleşüv avasını yarataraq sanadan eşitilecek ikmetli aqiqatqa dalmaq mümkün olacaq.

"Povest, öz zenaat imkânlarını inkişaf ettirmek içün dört ustanıñ öz aqrabalarını taşlap etkenini añlata. Ve episi öz şeerçiginden ketti. Qırım Hanlığınıñ o zamanki paytahtına Bağçasaray şeerine ketti. Hanğa öz ustalığını köstermek içün", — dep Ahtem Seitablaev añlattı.

Rejissörniñ sözlerine köre, oyun vaqtında seyirciler quyları, hayalleri ve olarnı kedernelgen qızlarını ögrenecekler.

"Ayatta ne qadar çoq, ayrıca iş ya da hayallerimiznen bağlı, şeyge irişmege ıntılğanımızğa baqmadan bizni açıq göñülden, kerçekten sevgenlerni unutmamalımız!" — dep Seitablaev qayd etti.

O qoştı ki, oyunnıñ maqsadı - kiçik seyircini qırımtatar medeniyeti: muzıkası, urbaları, tili, oyunlarınen tanıştırmaqtır.

"Biz, qırımtatarlarnıñ sürgünliginiñ 80. seneliginden evel böyle ikâyeni añlatmağa isteymiz. Lâkin bizi sana ikâyemiz, bu facialı tarihqa ait olmay. Amma halqımıznıñ ne duyğanını aytmaq içüb bunı yapamız", — dep rejissör ayttı.

Oyunda, Ahtem Seitablaevniñ aktör kursınıñ bu zenaatta ilk adımlarını yapqan studentleri oynaycaqlar. Rejissör añlattı ki, konservatoriyanıñ studentleri muzıka refatatınen oğradılar, Usein Bekir ise muzıkanı yazdı.

"Bu masal tek balalar içün, yetişkenler içün de. O pek hoş, pek dülber, duyğulı. Elli insan onıñ üzerinde çalışa, eñ az eki ay devamında onı yarata edik. Seyirci bu oyundan çoq duyğu duyacaq — em taziye, em de külkü", — dep Seitablaev hulâsa çıqardı

Bağlantığa basıp, qayd etmek mümkün.

Qırımtatar halqınıñ sürgünligi

1944 senesi mayıs ayınıñ 18. künü küneş doğğanda qırımtatar halqını Qırımdan sürgün etmee başladılar. Devlet mudafaa eyyetiniñ "Qırımtatarlar aqqında" gizli emrine köre bütün halq hainlik ve duşmannen işdeşlikte qabaatlandı ve Qırımdan sürgün etmege maküm etildi. Afta devamında bu operatsiyağa azırlanğan ediler, 32 biñ NKVSçısı oña qatıldı.

Deyerli üç devrinde Qırımdan tahminen 200 biñ qırımtatar sürgün etildi. Yolda ve ğurbette ilk senelerde sürgün etilgenlerniñ 46%-i öldi.

Çoqusı allarda Orta Asiyadaki cumhuriyetlerge, şu cümleden Özbekistanğa insanlarnı alıp ketigenler. 10 biñ qırımtatar, cebeden Qırımğa qaytqan Qırmızı ordunıñ askeri de sürgün etildi. 12 sene devamında qırımtatarlarnıñ mahsus köçken statusı bar edi, vatandaş ve insan aqları ve azatlıqlarından marum etildi.

1989 senesi sürgün etilgenlerge Qırımğa qaytmağa resmen izin berdiler.

2015 senesi Yuqarı Şura, qırımtatar halqınıñ sürgünligini genotsid olaraq tanıdı.

Telegram ve Facebookta Suspilne Qırım haberlerine abune oluñız

На початок