Cumaertesi künü mayıs ayınıñ 18. künü Qırımtatar halqınıñ genotsid fedalarınıñ hatıra künü Türkiyeniñ Eskişehir şeerinde kütleviy miting ve 10 000 insannıñ iştirakinen yürüş olacaq.
Qırımtatar Maaliy Merkezi bu aqqında haber berdi.
Qayd etildi ki, bu tedbir vaqtında Kreml reineleri ve olarnı tezce azat etip evge qaytarmaq kerekligini hatırlatacaqlar.
"Qayd etemiz ki, Qırımtatar Maaliy Merkeziniñ bilgilerine köre, şu anda 202 Kremlniñ siyasiy mabüsi SİZO ve müstemlekede buluna, olardan 134-ü – qırımtatar halqınıñ vekilidir. Yazıq ki, Rusiyedeki apishanelerde qapatılğan siyasiy mabüsler, aqiqiy ceennemde bulunamağa mecbur qalalar. Çünki SİZO ve müstemleke şartları soñ derecede yaramay, ruslar siyasiy mabüslerniñ aqlarını ciddiy şekilde bozalar, olarnı azaplaylar ve qorqutalar", — dep bildirildi.
Telegram ve Facebookta Suspilne Qırım haberlerine abune oluñız
