Qırımda işğalciler, Herson vilâyetiniñ Nova Kahovka şeerinden Viktoriya Bakaletske para cezasını berdiler. Qadınnıñ, RF tarafından yasaqlanğan ve “aşırıcı” tanınğan Facebook içtimaiy ağınıñ saifesinde qanunsız rus referendumına ketmemege çağıruvları ve Rusiyeni cenk cinayetlerini yapmağa qabaatlamaları tapıldı.
Telegramda işğal kanallarına atıf eterek Jurnalist araştırmaları merkezi (JAM) bu aqqında haber berdi.
Facebookta Viktoriya Bakalets, 2022 senesi berim ayında qanunsız tus referendumına ketmemege çağırdı ve Ukrainada yapqanı Rusiyeniñ cinayetlerini halq ögünde añlattı.
İşğalciler, "itibardan tüşürüv"Федеральний закон Росії "№ 32-ФЗ" 2022 року2022 senesi "32-FЗ." Rusiye Federal qanunı maddesine köre oña 40 biñ ruble (16 600 grn — muar.) cezasını berdiler.
"Bundan ğayrı, Viktoriya Bakaletsni kamera ögünde "afu soramağa" mecbur ettiler. Anda o ayttı ki, er şey añladı ve "böylece yapmaycaq", — dep Jurnalist araştırmaları merkezi bildirdi.
JAM qayd etti ki, işğalcilerniñ bilgilerine köre, Rusiyeniñ tolu miqyaslı tecavuzından soñ qadın rus pasportı ve içtimaiy ödemelerni aldı.
"Faqat olar (işğalciler — muar.) qoşmağa "unuttılar" ki, vaqtınca işğal etilgen ukrain topraqlarınıñ istisnasız er bir sakinini rus vesiqalarını ve böyle degen içtimaiy ödemelerni almağa mecbur eteler.
RF pasportı ve tecavuzcılardan ödemeler alıcılarnıñ cedvelinde soyadın olmasa, insanlarnı qorqutarlar ve qanunsız olaraq tevqif eterler, tibbiy yardım bermezler", — dep jurnalistler bildirdiler.
Telegram ve Facebookta Suspilne Qırım haberlerine abune oluñız
