Mayıs ayınıñ 15. künü gece saat 2:00de yarımadanıñ bazı rayonlarında sakinler patlamalar eşittiler. İşğal akimiyeti, Ava mudafaası sistemasınıñ çalışqanını bildirdi. Ukrain resmiy müessiseleri, bu vaqianı tefsir etmediler.
Suspilne Qırımnıñ Kezlev, Saq ve Aqyar şeerlerindeki menbaları tasdıqladılar ki, patlamalarnı eşittiler.
"Gece maalinde patlamalar pek küçlü edi, çoq kere patladı", — dep Kezlevniñ sakini haber berdi.
Saq ve Aqyardan menbalarımız qayd ettiler ki, saat 2:00de patlamalarnı eşittiler.
"Gece saat 2:00de pek şiddetli patlamalar eşitildi. Evde pencereler pek qıbırdadı", — dep Saq şeeriniñ sakini añlattı.
Aqyarlı adam qoştı ki, tahminen 5-6 patlama eşitti.
"Gece saat tahminen 2:00de şeerde patlamalar eşitildi, epk şiddetli. Men taminen 5-6 şiddetli patlama eşittim", — dep haber berdi.
Aqyar şeeriniñ işağlli "gubernatorı" Mıhaylo Razvojayev, Aqyarğa ücüm yoq etkenlerini bildirdi.
"Fedorivska soqağı rayonında tüşürilgen raketanıñ parçaları şahsiy evlerge tüşti. Yaralanğanlar aqqında malümat ögrenile", — dep qoştı o.
Mıhaylo Razvojayev haber berdi ki, kime yaralanmadı.
"Qırım yeli" Telegram kanalı, Belbek uçaq limanı rayonında çıqarılğan bir video yayınladı.
Jurnalits-araştırıcı OSINTtechnical öz "X" saifesinde patlamalardan soñ Belbek uçaq limanınıñ yoldaş fotoresimini yayınladı.
"Bugün gece maalinde ukrain ZRKniñ şiddetli ücüminden soñ Rusiye tarafından işğal etilgen Qırımdaki Belbek uçaq bazasında yanğın olıp tura", — dep yazdı o.
Rusiye Mudafaa nazirligi bildirdi ki, on operativ-taktik raketa ATACMSnı "tüşürdi".
Saat 10:45te işğal etilgen Aqyar şeeriniñ böyle degen gubernatorı Mıhaylo Razvojayev haber berdi ki, Şimaliy taraf rayonında patlamağan silâ mevcuttır.
Ukrain tarafı, bu vaqianı tefsir etmedi.
Telegram ve Facebookta Suspilne Qırım haberlerine abune oluñız
