Çiçek ayında işğal etilgen Qırımda az yağmur yağğanı sebebinden Voron ve Ay Sezer özenleri qurudı. Başqa özenlerde ay seviyesinden ten 54%-i bar. Tek Bala Salğır özeninde suv seviyesi normadadır.
Qırımtatar Maaliy Merkeziniñ (QMM) mütehassısı, ekolog Yevhen Hlobıstov bu aqqında haber berdi.
Ekolognıñ sözlerine köre, birinciden özenlerniñ vaziyeti yağanaqlarğa tesir ete.
"Bu tabiiy ceryandır: şimdi Qırımda alçaq yağanaqlar seviyesi, aynı zamanda turmuş vazifelerine yapma göllerinden suv alalar. Ayrı bir mesele — özenler etrafındaki inşaat, çünki şimdi nşaat ceryanı haotik ve kontrol etilmez. Ve bu sebebinden yañı qurulğan binalar, özenniñ esası olğan şu kiçik çoqraqlarnı yoq eteler”, — dep añlattı o.
Mütehassıs qayd etti ki, 2020 senesi Qırımda kiçik ve orta özenlerniñ çoqusı qurudı. Olardan biri tamamınen yoq oldı.
"Bunıñ çoq sebebi bar. Olardan biri — Qırımnıñ silâlaştırılması, anavı ealiniñ sayısınıñ artması, Qırımnıñ bölgelerine idare etilmegen suv üleştirilmesidir. Biz köremiz ki, adiy sakinler, qırımlılar içün vaziyet qıyınlaşacaq", — dep Hlobıstov qayd etti.
Telegram ve Facebookta Suspilne Qırım haberlerine abune oluñız
