“Yaş siyasetçi mektebi”nde Halqara cumhuriyet institutı qırımlılarnı telükesiz kommunikatsiya ve teşviqat fedası olmaqtan nasıl qaçmaq mümkün olğanını ögretecek. AQŞnıñ Halqara inkişaf agentiliginiñ yardımınen bu tedbir Kıyivde olacaq.
Halqara cumhuriyet institutınıñ saytında iştirak formasını yayınladılar.
Tedbir 2024 senesi mayıs ayınıñ 11-13. künleri Kıyivde olacaq. Anda 35 yaşına yetmegen ve şu anda paytahtta yaşağan qırımlı Ukraina vatandaşları, 35 yaşına yetmegen ve qırım mevzusınen çalışqan cemaat faalicleri iştirak ete bilirler.
Çiçek ayınıñ 29-ından başlap mayıs ayınıñ 6-sına qadar qayd etmek mümkün.
Oquv bedava, yol, yaşayış ve aş temin etilecek.
Halqara cumhuriyet institutı bildirdi ki, cenk vaziyeti şartlarında tedbir vaqtında telükesizlik temin etilecek.
“Yaş siyasetçi mektebi”nde aşağıdaki malümat ögrenmek mümkün olacaq:
- İçtimaiy ağlarnı nasıl telükesiz şekilde qullanmaq mümkün;
- İşğal etilgen Qırımda bulunğan insanlarnen nasıl bağ qurmaq mümkün;
- Qırımnen bağlı qaysı meselelerni halq ögündeki boşluqta aydınlatmaq kerek;
- Media ve içtimaiy ağlarda öz brendini nasıl başlatıp inkişaf ettirmek mümkün;
- Sahte malümatnıñ tarqatılmasına nasıl qarşılıq köstermek ve duşman malümat-ruhiy operatsiyasınıñ fedası olmamaq mümkün.
Telegram ve Facebookta Suspilne Qırım haberlerine abune oluñız
