Buña qarşı narazılıq bildirgen faalcilerniñ hitaplarına baqmadan Kezlevde işğalciler Yuriy Belkin ve Ğeorğiy Bondarnıñ "Ğutsul oyunı" mozaikasını yoq ettiler.
Telegramda Qırımtatar Maaliy Merkezi işğal etilgen KHVa atıf eterek bu aqqında haber berdi.
"Rodniçok" eski pansionatınıñ civarında mozaika bar edi.
Qırımtatar Maaliy Merkeziniñ bilgilerine köre, çoq qatlı ev qurmaq içün topraq "temizlene".
"Keçenlerde mozaika saqlamaq içün Qırımnıñ sakinleri işğal akimiyetine, şu cümleden "Qırımnıñ başı" Aksönovğa hitap ettiler. Faalciler mozaikanıñ digerini, tarih ve yañı nesiller içün onı saqlamaq müimligini qayd ettiler", — dep bildirildi.
Bildirildi ki, lâqayt olmağan eali mozaika ustalarını taptılar. Olar göñülli olaraq mozaikanı alıp çıqarmağa arzır ediler, onı yañı yerge qoymağa da añlaştılar.
"Yazıq ki, faalcilerniñ hitapları mozaikanıñ yoq olunmasına tesir etmediler", — dep Qırımtatar Maaliy Merkezi qayd etti.
Keçenlerde Qırımnıñ reinetgratsiya assotsiyatsiyası Facebookta haber berdi ki, Novosıbirskten Dmıtro Şulanovğa "qayd etilgen" çoq qatlı evniñ qurulışı sebebinden mozaika yoq etildi. Qurulışnıñ "müdiri" Murmansk vilâyetinden İhor Pituhin edi.
Bundan ğayrı, qayd etildi ki, bu işğalcilerniñ yoq etmege istegenleri Qırımdaki Belkinniñ tek işi degildir.
"Ananeviy ukrain üslübinde yapılğan "Ğutsul oyunı" mozaikasınıñ yıqılması mevzusında işğalcilerniñ sessiz qalmaları şaşırtıcı degil, faqat keçenlerde işğalciler Belkinniñ başqa mozaikasını yoq ettiler. Başçıqnen tedaviylev hastahanesi ve "Almaznıy" pansionatındaki mozaikasını yoq ettiler. O zaman yerli "kütleviy haber vastaları" "tizlerdeki narazılıq" şeklinde "iddet"ni qayd ettiler", — dep Qırımnıñ reinetgratsiya assotsiyatsiyası qayd etti.
Telegram ve Facebookta Suspilne Qırım haberlerine abune oluñız
