İşğal etilgen Qırımda acele yardım hadimleriniñ kemligi bar.
Aqmescitte acele yarım stantsiyalarından biriniñ feldşeri Suspilne Qırımğa bu aqqında haber berdi.
Onıñ sözlerine köre, Aqmescitteki acele yardım noqtasında tibbiy hadimlerniñ kemligi eñ az 30%dir.
"Men aytar edim ki, bizde kemlikniñ faizi eñ az 21. Eki sene evel acele yardımğa köçtim, çünki mında aylıq daa yüksek. O zaman kemlik o qadar büyük yoq edi, tahminen 10%, boş yer az edi. Amma bu devirde çoq insan işten çıqtı ya da başqa işke ketti. Qırımda çoq tibbiy ve sağlıq tüzetici müessise bar. Hadimler rekabeti büyük, ayrıca kurort mevsiminde. Bizde feldşerler ve emşirelerniñ ciddiy kemligi bar. Bizim noqtamızda smenalarda da kemlik bar — eñ az 30%dir", — dep añlattı.
Keçenlerde "Qırım cumhuriyet felâqetler tıbbiyeli ve acele tibbiy yardım merkezi"niñ "müdiri vazifesini yapqan" Ğalına Bulğak teşviqat RİA "Novosti Qrım"ğa hadimler yedegi aqqında haber berdi.
"Şimdiki ştat cedveline köre umumen tüm hadimlerden 79%-i bar, yani kemlik 21%dir. Bugün bu eñ büyük meseledir", — dep bildirdi.
Bulğak qoştı ki, Yalta stantsiyasında eñ yüksek kemlik bar. Ştat cedveline köre Büyük Yalta toprağında 14,5 acele yardım taqımı olmalı, amma, onıñ sözlerine köre, kerçekten de 6-7 taqım çalışa. O haber berdi de ki, Keriç stantsiyasında, ayrıca Lenin rayonında hadimler yedegi bar.
Telegram, Viber ve Facebookta Suspilne Qırım haberlerine abune oluñız
