İşğal etilgen Qırımda siyasiy mabüs Lenur Halilovnıñ anası Resud Halilova 88 yaşında vefat etti. 1944 senesi resud Halilova yarımadadan sürgün etildi. Çiçek ayınıñ 26-sında Cüma namazından soñ saat 13:30ta cenaze olacaq.
Facebookta "Qırım birdemligi" bu aqqında haber berdi.
Qadın 1936 senesi Sudaqnıñ Ay Serez qköyünde doğdı ve 1944 senesi Qırımdan sürgün etildi.
2019 senesi borazğan ayda ruslar tarafından işğal etilgen Qırımda dört qırımtarar adamınıñ evleri tintildi, olardan biri onıñ oğlu, Körbekül köyünde imam Lenur Halilov edi.
Qırımtatar qadınını Saq rayonınıñ Aşağı Camin köyünde Mır sq, 1. yataqhane adresinde defin etilecek.
Lenur Halilov aqqında ne bilemiz
2019 senesi Qırımda kütleviy tintüvler devrinde rus quvetçileri onı tuttılar. Hizb ut-Tahrir islâm siyasiy fırqasınen bağlı olğanı sebebinden 205.5. maddege ("Terror faaliyetini teşkil etüv") binaen Halilovnı 18 senege maküm ettiler. Şu anda o, Rusiyeniñ Vladimir şeerindeki apishanede buluna.
Hizb ut-Tahrir islâm fırqası sadece Rusiyede terrorcı bir teşkilât olaraq tanındı, çünki bu teşkilâtnıñ azaları, musulmanlarğa repressiyalar sebebinden muntazam tarzda işğal akimiyetini tenqit ete ediler. Aynı zamanda Hiz ut-Tahrir dünyanıñ ülkeleriniñ çoqusında ve Ukrainada serbest şekilde faal ete.
Telegram, Viber ve Facebookta Suspilne Qırım haberlerine abune oluñız
