Qırımtatar Maaliy Merkeziniñ (QMM) idaresiniñ başı Eskender Bariie, 2024 senesinden başlap işğal etilgen Qırımda rus quvetçileriniñ yerli faalciler, Qurultay ve Qırımtatar Milliy Meclisine ait olğan insanlarğa qarşı qullanğanları yañı usullarını añlattı.
"Suspilne. Stıdiya"nıñ canlı yayınında bu aqqında haber berdi.
"Tutuvlar aqqında malümatımız daa az, çünki ayrıca BMTnıñ Halqara makemesini Ayırım şartnamesine dair qararını alğan yerli faalciler, Qurultay ve Qırımtatar Milliy Meclisine ait olğan insanlarnıñ evlerini tintmege başladılar", — dep Bariiev qayd etti.
Şu cümleden, 2024 senesi kiçik-saban ayları devrinde işğalciler yerli ve bölge Meclisleri, Qurultay, Qurultaynıñ Merkeziy saylav eyyetine ait olğanlarnıñ evlerini faalca tintmege başladılar.
"Olar şöyle usullarnı qullanalar: qomşuları, aqrabaları yaqınlarına haber bermege yetiştirememeleri içün gece maalinde keteler ya da insanlarnı tutalar. Amma aynı zamanda olar: "Bu aqqında haber bermeseñiz, yaqın insanıñız serbest olur", tenbiyelep aytalar", — dep QMMniñ başı haber berdi.
Onıñ sözlerine köre, yaqın insanları serbest olmaları içün insanlar bu malümatnı saqlap gizleyler. Uquq qorçalayıcılarnıñ rus işğalcileriniñ Qırımdaki cinayetlerini qayd etmeleri içün Bariiev Qırımnıñ sakinlerini şu vaqialar haber bermege çağıra.
Telegram ve Facebookta Suspilne Qırım haberlerine abune oluñız
