Çiçek ayınıñ 15-26 künleri Hyü-Yorktaki BMTnıñ ştab dairesinde 23. Tamır halqları meseleleri daimiy forumı keçti. Qırımtatar halqınıñ vekilleri tedbirde qayd ettiler ki, er bir tamır halqı cenk meselesine diqqat celp etmeli.
Qırımtatar Milliy Meclisiniñ başı Refat Çubarov Suspilne Qırımğa bu malümatnıñ dünyada tarqarılıp-tarqatılğanı ve bunıñ Forumnıñ vesiqasına nasıl tesir etecegi aqqında haber berdi.
Forumda ukrain vekilleri buna diqqat celp ettiler
Bu sene forumnıñ adı “Birleşken Milletler Teşkilâtınıñ Tamır halqlarınıñ aqları aqqında beyannamesi ceetinde tamir halqlarınıñ özdeşlik aqqını qivetlendirüv: tamır halqlarınıñ yaşlarınıñ seslerine diqqat celp eğerek” oldı.
"Biz er bir çıqışta aytamız ki, Rusiye Qırımnı işğal etkeni sebebinden tamır halqı olaraq qırımtatar halqınıñ muntazam inkişafı olmaz. Çünki şu halq toprağı, yerleri, bütün ceryalarnıñ subyekti olmaq imkânınen bağlı meselelerni çezmege iştirak etse, tamır halqınıñ muntazam inkişafı olur. Bunıñ içün qayd ettik ki, er bir tamır halqı cenk meselesine diqqat celp etmeli”, - dep Çubarov ayttı.
Forumda öz ülkeleriniñ ükümetlerine tesir etmek, dünyada peyda olğan tecavuznıñ inkişafına yol bermemek ve cenk bitirmek içün tamır halqları daa çoq birleşmeliler.
Bundan ğayrı, Qırımnı işğalden azat etüv meselesi ve yarımadanıñ şimdiki statusını milliy-topraq muhtariyetine çevirmek, yani muhtariyet statusını saqlamaq kerekligini qayd etti. Bu muhtariyetniñ subyekti qırımtatarlar olmalılar, dep bildirdi.
"İşğal etilgen Qırımdaki vaziyet, dünya cemaatini Ukrainağa yardım etrafına daa çoq celp etmek kerekligini añlattılar. Añlaşılır ki, eñ keskin meselelerden biri - siyasi mabüsler meselesi aqqında laf ettik. Olarnı azat ettirmek içün Rusiyege tesir yolları, mehanizmlerini tapmaq kerekligi aqqında subet ettik”, - dep Meclisniñ başı qayd etti.
Onıñ sözlerine köre, ukrain vekilleri ayttılar ki, cenkte Rusiyege arbiy tesir, Ukrainağa silânen yardım etmege devam etüv, qırım siyasiy mabüslerini azat ettirmege imkân berecek.
Dünyada tamır halqlarınıñ seslerini eşitilirmi ve Forumnıñ netice vesiqasına bu nasıl tesir etecek
"Başqa vekiller tamır halqı olaraq qırımtatar halqınıñ fikirlerini eşiteler, çünki bu cenk neticesinde Ukraina, qırımtatarlar belli oldı. Ve añlaşılır ki, er bir vekilniñ fikirleri BMTnıñ tamır halqları aqqında beyannamesinde qayd etilgen digerler ve normalarnı quvetlendire. Bu, ayrıca özdeşlik ceetinde ve BMTnıñ tamır halqları aqqında beyannamesi çerçivesinde ve eñ esası Ukrainadaki tamır halqları aqqında Ukraina qanunı çerçivesinde bizim aytqanımız şeydir”, - dep Çubarov qayd etti.
O qayd etti ki, çiçek ayınıñ soñunda Forumnıñ netice vesiqasında vekillerniñ muzakere etkenleri şu meselelerniñ tarafları qayd etilecek, amma anda er bir vekilniñ aytqanı şey olmaycaq.
Aynı zamanda netice vesiqasında qayd etilecek ki, tamır halqlarınıñ özdeşlik meselesi ve bu meseleniñ muvafaqiyetli çezilmesi, er bir ülke içün tamır halqlarınıñ saqlanması ve inkişafınıñ temelini qoya.
"Yani vekillerden birim aytqanı kibi, özdeşlik meselesi — tamır haqlarınıñ ayat meselesidir. Men de sözmni bu dünyada tamır haqlarına dair iç bir şey olmaz ve tamır halqları olmadan tamır haqları aqqında iç bir şey aytılmaz, dep bitirdim. Öz mevcudiyeti, inkişafı, ayatı meselesini çezmege iştirak etmek — tek aq degl, talaptır. O yerine ketirilmese, tamır halqları yaşamazlar. Bu ceryanda iştirak etmek ise özdeşlik meselesidir", — dep Çubarov añlattı.
BMTnıñ Tamır haqları meseleleri daimiy forumı — tamır halqlarınıñ meselelerini — iqtisadiy ve içtimaiy inkişaf, medeniyet, etraftaki müit, tasil, sağlıq ve insan aqlarını baqqan mesleat organıdır.
Telegram ve Facebookta Suspilne Qırım haberlerine abune oluñız
