12 senege maküm etilgen Bağçasaraylı qırım siyasiy mabüsi, içtimaiy jurnalist olğan ve qalp hastalığını çekken Amet Süleymanov Vladimir merkezinde yaramay sağlığına şikâyet etti. Rusiye makemesi, qırım siyasiy mabüsi Süleymanovnıñ sağlıq alı sebebinden onı tevqiften azat etmege red etti.
Bir qaç kün evel qırımtatar adamınen körüşken apayı Lilâ Lümanova "Qırım birdemligi"ne bu aqqında haber berdi.
Süleymanovnıñ hronik qalp, aq ciger ve buğum hastalığı bar. Siyasşy mabüsniñ apayı qayd etti ki, rus apishanesinde adam pek azdı, o zornen nefes ala, aq cigeri ağıra ve ayaqları şişmege başladı. Bundan ğayrı, onıñ közleri ağırmağa başladı.
"Onıñ hastalıqlarına köre bu yahşı degil. Bunıñ sebebini ögrenmek kerek, anda revmatizm ya da basım ve qırmızı qan damarlarınen bağlı meseleleri bar. O, sadece körme qabiliyetini coymay, beden ceetinden közlerinen bir şey ola", — dep Lümanova qayd etti.
Amet Süleymanov aqqında ne bilemiz
Süleymanov – 2014 senesi Rusiyeniñ Qırımnı qanunsız işğalinden soñ evlerniñ tintilmeleri ve qırımtatarlarnıñ tutulmaları aqqında haber bergen "Qırım birdemligi" içtimaiy jurnalistidir.
O, qalpnıñ qırmızı qan damarı ve mitral kemligini çeke. Siyasiy mabüsniñ apayı Lilâ haber berdi ki, aqayı operatsiya nevbetinde tura. Bundan ğayrı, o qayd etti ki, onıñ içün apishanede bulunmaq, "ölüm demektir".
Bundan ğayrı, qırımtatarnıñ saqatlığı bar, amma 2015 senesi Moskvada ameliyattan red etkeni sebebinden o lâğu etildi, çünki muntazam tarzda teddaviylegeni Kıyivde ameliyat yapacaq edi.
2020 senesi saban ayınıñ 11-inde işğal etilgen Qırımnıñ Bağçasaray şeerinde rus quvetçileri, evini tinttiler ve neticesinde o tutuldı. 2023 senesi çiçek ayınıñ 5-ine qadar Süyelmanov, qalp hastalığı sebebinden, ev tevkifi astında buluna edi.
Qorçalayıcı tarafnıñ qırımtatarnıñ sağlıq alına dair çoq ilânlarına baqmadan, Rovtov-na-Donudaki Cenübiy bölge arbiy makemesi onı 12 senege maküm etmege qarar berdi.
Avropa Şurasınıñ Parlament Assambleyasınıñ (AŞPA) maruzacısı, rusiye akimiyetini qanunsız olaraq tevqif etilgen jurnalist Amet Süleymanovnı azat etmege çağırdı.
Telegram ve Facebookta Suspilne Qırım haberlerine abune oluñız
