Doğru deñiz alâqası yasağına baqmadan Rusiyeniñ bayrağı astındaki Lida yük gemisi işğal etilgen Aqyarğa 2 biñ tonna türk tuzını alıp yaldap ketirdi.
Çiçek ayınıñ 12-sinde "Barıştırıcı Merkeziniñ SeaKrime leyhasınıñ jurnalisti Katerına Yaresko bu aqqında haber berdi.
Taqiqat malümatında qayd etildi ki, saban ayınıñ 29-ından başlap çiçek ayınıñ 3-üne qadar Lida yük gemisi, Qaradeñiz Ereğli Türkiyeniñ limanında bulunğan edi.
Jurnalistniñ bilgilerine köre, çiçek ayınıñ 3-ünde Qaradeñiz Ereğli Türkiyeniñ limanında rus gemisi çabuqnen tuznen toldurılğan soñ AIS qapatıldı ve çiçek ayınıñ 5-inde işğal etilgen Aqyarnıñ Qamış Körfezine yük problemsiz ketirildi. Bu, 635/2017 Türkiyeniñ tsirkulârıTürkiye ticaret-sanayı fırqasınıñ gemi yaldan fıqrasınıñ İşğal etilgen Qırımnen deñiz ticaret alâqasını yasaqlağan 635/2017 tsirkulârınıñ Türkiyede küçü bar. ve Halqara deñiz teşkilâtınıñ 1183. rezolütsiyasınıñİMO, devletlerniñ öz gemileri, gemilerniñ saipleri, operatorlar ve sigorta brokerlerine rus tecavuzcı tarafından vaqtınca işğal etilgen qapalı deñiz limanlarınıñ rejimini bozmamaq ve bu tür bozmalarını taqiq etmek kerekligi aqqında haber bermesini çağıra. bozmasıdır.
Taqiqat malümatında haber berdi ki, "Pilot Deñiz agentligi" işğal etilgen Aqyarda geminiñ "agenti"dir, "Merkuriy" TOV ise "geminiñ saibi"dir.
"Geminiñ kapitanı Taranin Y. edi, yaldap ketkeni eki liman da qayd etildi – Ereğli (Türkiye) ve isal etilgen Aqyar. 03.04.2024 s. belki de Ereğlide vesiqa alındı. Gemi yaldap çıqqanda LIDA gemisiniñ kapitanınıñ Qaradeñiz Ereğli limanıñ Kapitanına vesiqada qaysı ketirüv limanını qayd yazğanı meraqlıdır", — dep jurnalist qayd etti.
Taqiqatta bildirildi ki, 2024 senesi çiçek ayınıñ 9-ında işğal etilgen Aqyarda gemilerniñ çalışma ve areket saatleri grafiginde yazıldı ki, gemi yük almadan yañıdan Ereğlige yaldap ketken. Kapitanı Popışoy Viktor Kıryanovıç.
Belli oldı ki, çiçek ayınıñ 9-ında saat 8:30ta Qamış Körfezinden gemi yaldav çıqtı. Çiçek ayınıñ 10-unda saat 9:48de Türkiyeniñ limanı yanında kapitan AISnı qapattı.
"Lida, Ereğli limanınıñ lenger yerinde buluna edi, 13.04.2024 s. o yerden yalığa yaldap ketti. Gemi, birinci kere tuznen toldurğanı yerde yaldap ketti. Tüşünemiz ki, işğal etilgen Aqyarğa yañı tuz yükünen yaldap keter", — dep bildirildi.
Telegram ve Facebookta Suspilne Qırım haberlerine abune oluñız
