Amerika Devletleri Teşkilâtınıñ baş kâtibi Kuyis Almagro bildirdi ki, halqara cemaat 2022 senesi Rusiyeniñ Ukrainağa tolu miqyaslı tecavuzınıñ ilk köstergiçini 2014 senesi Qırım işğal etilgen vaqıt körmemezlikke urdı.
Sofiyada keçken Ekinci Qaradeñiz havfsızlıq konferentsiyasınıñ vaqtında bunı hatırlattı.
"Unutmayıq ki, 2014 senesi Qırım işğal etilgen vaqtı Rusiyeniñ Ukrainağa qarşı cenki başlandı. Şimdi ise Ukrainağa destek bergende namuslu şekilde aytmalımız ki, tahminen 10 sene evel halqara cemaat bunı körmemezlikke urdı", — dep bildirdi.
Bundan ğayrı, Almagro qayd etti ki, Ukrainağa kimse yardımcı olmadı, dünya o zaman yaqınlaşqan büyün cenkniñ alâmetlerini körmemezlikke urdı.
"2022 senesi kiçik ayda tolu miqyaslı tecavuz başlandı. Tecavuz neticesinde Avropa ve ortaqları ögünde mevcudiyet meselesi ortağa çıqtı: Ekinci can cenkinden soñ qurulğan halqara sistemanıñ sınavı olğan bu meselege özüni nasıl tutumaq? Ve cevap bes-bellidir — onı quvetleştirmek içün mümkün olğance ısrarlı çalışmalımız", — dep qoştı.
Telegram ve Facebookta Suspilne Qrım haberlerine abune oluñız
