2016 senesi çiçek ayınıñ 11-inden berli 55 yaşındaki qırımtatar Arsen Alievniñ bulunğanı yer bellidir. İşğal etilgen Qırımnıñ Bağçasaray şeerinden Saqtaki cenazege ketkende o ğayıp oldı.
Öz Facebook saifesinde Qırımtatar Maaliy Merkezi (QMM) bu aqqında haber berdi.
"Sekiz sene evel 2016 senensi çiçek ayınıñ 11-inde Saq şeeriniñ avtovokzalında tanınmağan insanlar qırımtatar Arsen Alievni tuttılar. İşğal etilgen Qırımda insannıñ çalınması aqqında cinaiy dava açılğanına baqmadan endi sekiz senedir Alievniñ bulunğanı yer belli olmay qala", — dep bildirildi.
Şu cümleden, QMMniñ bir videosı bar. Anda körmek mümkün ki, Alievni alıp maşnağa mindireler ve belli olmağan yerge keteler.
Böylece, saat 10:00da qırımtatar adamı Bağçasaraydan ketip, saat 12:20de dostlarınıñ onı Saq avtostantsiyasında onı alıp ketmeleri içün olarğa telefon etti. O zamandan berli adamnıñ telefon çalışmay, onen bağ qırıldı. Aynı kün 16:00da abuneniñ ağda bulunğanını bildirgen bir beyanat aldılar, amma telefon birden qapatıldı, telefon açmadılar.
O zaman işğal etilgen Qırımdaki RF Taqiqat eyyetiniñ Bİ, Alievniñ aqrabalarınıñ arizasına köre RF CQniñ 126. maddesiniñ 1. qısmına ("İnsan çaluv") binaen cinaiy dava açtı, amma taqiqatnıñ neticesi alâ daa yoq. Adamnıñ bulunğanı yer de alâ daa belli olmay.
QMMniñ bilgilerine köre, 10 senelik Qırımnıñ işğali devrinde 24 insan habersiz ğayıp oldı, olardan 18-i – qırımtatar halqınıñ vekilidir.
Telegram ve Facebookta Suspilne Qırım haberlerine abune oluñız
