İşğal etilgen Qırımda Rusiyeçağıruv kampaniyasını başlatıp, yerli ealini Rusgvardiyağa kirmege çağıra. Çiçek ayınıñ 10-unda yarımadada böyle teşviqat videosı yayınlandı.
Çiçek ayınıñ 11-inde FREEDOM telekanalınıñ canlı yayınında Qırımtatar Milliy Meclisiniñ başı Refat Çubarov bu aqqında haber berdi.
"Çiçek ayınıñ 10-unda Oraza bayramınız birinci künü Qırımda rus işğal akimiyeti, bir video yayınladı. Anda yerli ealini Rusgvardiyanıñ mahsus bölügine kirmege teşviqat ettiler", — dep Çubarov añlattı.
Onıñ sözlerine köre, işğal akimiyeti Qırımnıñ sakinlerinden mahsus bölükni teşkil etmege tırışa, amma olarnıñ vazifeleri belli degil. Qırımtatarlarnı Rusgvardiyağa kirmege faalca çağıralar.
"Bir qaç afta evel de haber aldıq ki, rusiye içeri işler nazirliginiñ mebusları, böyle degen Qırım müftisi Emirali Ablaevnen körüştiler. Bu körüşüv vaqtında Qırımnıñ sakinlerini, ayrıca musulmanlarnı bu bölükte çağıruv meselelerini muzakere ettiler", — dep Meclisniñ başı qayd etti.
Çubarovnıñ fikrince, işğalcilerniñ bu kampaniyası muvafaqiyetli olmaz.
Bundan ğayrı, onıñ bilgilerine köre, bütün işğal devrinde eñ az 35 biñ Qırımnıñ sakini RF SQe "mobilizatsiya etildi". Rusiyeniñ Ukrainağa tolu miqyaslı tecavuzı devrinde bütün bu çağıruvlar, mobilizatsiyanıñ gizli şeklidir. Çünki Qırımda rus ordusına çağırılğan yaşlarğa basım eteler ve olar üzerinde çalışmağa başlaylar, değ Çubarov tüşüne.
"Çekici şeyler de bar — büyük aylıqnen bağlı bazı bonuslar ve içtimaiy ödemeler bar. Ve bu mobilizatsiya etilgen insanlarnıñ qısmı, bu basımnı dayanamayıp, añlaşma imzalaylar", — dep qoştı.
Telegram ve Facebookta Suspilne Qırım haberlerine abune oluñız
