"Ateş" arbiy-partizan areketi ögrendi ki, işğal etilgen Qırımnıñ Canköy şeerinde rus askerleri uçaq limanında silâsı ve tehnikasını alıp başqa yerge ketirmege tırışalar.
Öz Telegram kanalında "Ateş" bu aqqında haber berdi.
"Ateş" agentleri, Moskva qara yoluna ve uçaq limanı tarafına ketken tehnikanı taqip ettiler. Biz ögrendik ki, raşistler ateşlerden o qadar qorqalar ki, silâsı ve tehnikasını uçaq limanından alıp telâşnen başqa yerge ketirmege tırışalar", - dep bildirildi.
Partizanlar, rus arbiy tehnikası ve silâsınıñ taşıma yolunen bağlı bilgilerni Ukraina Mudafaa Quvetlerine yolladılar.
Telegram ve Facebookta Suspilne Qırım haberlerine abune oluñız
