İşğal etilgen Qırımda gemilerge qarşı rus Ka-27 helikopteri mahv etildi.
Çiçek ayınıñ 10-unda öz Facebook saifesinde Ukraina Silâlı Quvetleriniñ Arbiy-deñiz quvetleriniñ nutuqçısı Dmıtro Pletençuk bu aqqında haber berdi.
"Qırımda rus Ka-27 minus oldı. Bir şey qırıdğan edi. Taptı", — dep yazdı.
Birazdan USQniñ ADQniñ matbuat hızmeti, rus "Ka-27" helikopteriniñ ğayıbını resmen tasdıqladı.
Suspilne Qırım mühbiriniñ haber bergenine köre, Media Center Ukrainedeki brifingde Pletençuk bildirdi ki, ADQniñ "Ka-27"ni mahv etüvnen bağlı operatsiyası aqqında laf etmek ertedir.
"Biz, tek helikopterniñ tüşkenini tasdıqlay bilemiz. Bundan ğayrı, bildirildi ki, bu felâqet olmadan evel patlama eşitildi. Belki o, tek tehnikiy sebeplerden tüşmedi, anda nasıldır bir vaqia olğan. Tasdıqlay bilemiz ki, saba erte oldı. Tasdıqlay bilemiz ki, bundan soñ qurtaruv operatsiyası başlandı, başqa helikopter qullanıldı. Bundan ğayrı, "Raptor" türlü gemisi qullanıldı. Ve şu anda belki bu operatsiya bitti. İnsanlar arasında ğayıplar aqqında teşkerilgen malümat yoq", — dep añlattı.
Aynı zamanda RF Mudafaa nazirliginiñ matbuat hızmetli rus KHVa haber berdi ki, çiçek ayınıñ 10-unda saba tahminen saat 6:00da işğal etilgen Qırımnıñ ğarbiy yalısı rayonında "Mi-24 helikopteri qarağa oğradı". İlk bilgilerde köre, "tehnika meselesi" çıqqan.
Telegram ve Facebookta Suspilne Qırım haberlerine abune oluñız
