2024 senesi saban ayında Qara deñizde ölgen çoq yunus balığı qayd etildi — 130 qaradeñiz balinağa beñzegen yunus balığı öldi. Krasnodarskiy kraynıñ yalısında bedenleri tapıldı. Bundan ğayrı, bu devirde Qırım yalalarında ve Aqyar limanlarında bir qaç on yunus balığı tapıldı.
Ayatiyat ilimleriniñ doktorı, professor, ilmiy jurnalist İvan Rusyev öz Facebook saifesinde bu aqqında haber berdi.
“Bir qaç kün evel men yazdım ki, 2024 sebesi cenkiy saban ayında Aqyar limanlarında çoq yunus balığı öldi ve olar işğal etilgen Qırımnıñ farqlı yalılarında tapıldı. Tapılğan yunus balıqları arasında sonarlarnen yaralanğanlar bar edi. Aynı zamanda ölgen yunus balıqları arasında çoq beyaz yanlı bar… Amma şu anda yunus balıqlarınıñ kütleviy ölümi aqqında pek qorqunçlı bir haber aldıq – 2024 senesi saban ayında daa bedenleri Krasnodarskıy kraynıñ yalılarında - Soçi, Noborisiysk ve başqa yerlerde tapılğan 130 yunus balığı öldi", — dep yazdı o.
Bundan ğayrı, ekolog qayd etti ki, Bulğaristannıñ yalısında da bir qaç ölgen yunus balığı tapıldı.
Onıñ fikrince, yunus balıqlarınıñ kütleviy ölümi tasdıqlay ki, Qara deñizde, işğal etilgen Qırım yarımadası yanında ve Rusiyedeki Krasnodarskiy krayda duşmannıñ sonarlarınıñ areketi neticesinde çoq siyrek yunus balıqları öleler.
“RF arbiy flotu şu suvlarda buluna ve yunus balıqlarını ölgen sonar aletlerini qullanaraq qaravul ete. Keçeknde cenk başlamadan evel saban ayında az yunus balığı yalıda tapılğan edi. Şimdi ise cenk vaqtında ve Ukrainağa ücüm etken r**istlerniñ arbiy faktorınıñ neticesinde, bizim bilgilerimizge köre, 2024 senesi endi bir qaç biñ yunus balığı öldi. Deñizniñ ölgen balıqlarnıñ tek 5%ini yalığa alıp ketirgenini aqlında tutmaq kerek”, - dep Rusyev qayd etti.
Aynı zamanda o bildirdi ki, 2022 senesiniñ ortasından başlap Qara deñizniñ Şimaliy-Ğarbiy qısmında ve “Tuzla limanları” Milliy tabiat parkınıñ yalılarında rus askerleriniñ suv astındaki ve tübündeki tehnikası yoq. Altı ay devamında o zaman qaradeñiz balinağa beñzegen yunus balıqlarınıñ yüzlerce bedeni yalılarda tapıldı.
Hatırlatamız ki, cenk sebebinden Qara deñizden tahminen 50 biñ yunus balığı öldi.
Telegram ve Facebookta Suspilne Qırım haberlerine abune oluñız
