İşğalciler tarafından 12 senege qanunsız olaraq maküm etilgen siyasiy mabüs Tofik Abdulgazievni Verhnöuralsktaki apishaneden Çelâbinskteki 3. GUFSVP mahsus tuberkulöz hastahanesine belli olmağan hastalıqnen acelen alıp ketirdiler.
Onıñ apayı Alie Qurtametova bunı "Qırım birdemligi"ne añlattı.
"Uzun zaman devamında adamdan haber yoq edi. Saban ayınıñ 7-sinde oturğanı apishaneniñ nevbet qısmına hitap ettim ve onıñ aqqında soradım. Maña ayttılar ki, onı ateşnen Çelâbinskteki hastahanege alıp kestirdiler. İnternet vastasınen onıñ ola bilgeni bütün hastahanelerni taptım. Episine telefon ettim ve onı taptım. Ekim ayttı ki, böyle insan bar, amma onıñ aqqında malümat beremez. Ayttı ki, onıñ alı orta. Bugün onıñ özüni nasıl duyğanını ögrenmek içün daa bir kere hastahanege telefon ettim. Ayttılar ki, alı ağır, reanimatsiyağa alıp ketirdiler — intoksikatsiya. Oña çoq ilâç bereler", — dep Kreml rehinesinin apayı añlattı.
Bildirildi ki, keçkende advokat onı ziyaret etken soñ aqrabalarına añlattı ki, Tofik Abdulgaziev pek — 15 kilogramğa azdı. Bundan ğayrı, el ve ayaq buğumlarınıñ ağırğanına şikâyet etti. El parmaqlarını qullanmağa zor oldı — qaşıq bile tutamaz. Acı taban ağrısı seneninden ayaqqa basamadı. Ağır sebebinden normal şekilde ketemez ve kezemez.
"Apishane ve FSVP hastahaneleriniñ sisteması, hastanıñ aqiqiy sağlıq alını bildirmey. Tofik, mustaqil teşkerilmeli, ve aqiqiy diagnozı qoyulmalı. Bu, insannıñ ayatı meselesidir", — dep Emil Kurbedinov tefsir etti.
Tofik Abdulgaziev aqqında ne bilemiz
2017 senesi mayıs ayınıñ 4-ünde Tofikniñ evi ilk kere tintildi. O zaman tutulmadı. 2019 senesi saban ayınıñ 27-sinde evi ekinci kere tintilgen soñ Abdulgaziev, Rusiyede yasaqlanğan "Hizb ut-Tahrir" teşkilâtına ait olmağa qabaatlanıp tevqif etildi.
2022 senesi mayıs ayında Rostov-na-Donudaki Cenübiy bölge arbiy makemesi, Tofik Abdugazievğa üküm çıqarıp, sert rejimli müstemlekede 12 senege maküm etti. Müddetniñ ilk beş senesini apishanede keçirmeli.
Bir yoldan soñ 2023 senesi mayıs ayında Vlasıstaki Apellâtsiya makemesi, qorçalayıcı tarafnıñ ükümge şikâyetnamesini baqtı ve ükümini deñiştirmeyip qaldırdı. 2023 senesi oraq ayında Abdulgaziev, RFnıñ Çelâbinsk vilâyetiniñ Verhnöuralsktaki apishanege etap etildi.
Tevqif etilmeden evel Tofik Abdulgaziev, qırım siyasiy mabüslerniñ balaları içün tedbirlerini teşkil etmege yardım etken edi. "Qırım birdemligi" cemaat birleşmesiniñ faalcisi, ses operatorı, "Qırım balalığı" leyhasınıñ iştirakçisi ed. Bundan ğayrı, siyasiy mabüslerge SİZOğa aşayt mahsulatını yollağan, siyasiy sebeplerden açılan davalarnıñ oturışlarını ziyaret etken, vatandaşlarnıñ evileri tintilgende olarnı destek etmege kelgen edi.
Telegram ve Facebookta Suspilne Qırım haberlerine abune oluñız
