RF Devlet Dumasına 1954 senesi kiçik aynıñ 19-ında KPRSnıñ TKniñ baş kâbiti Mıkola Hruşçovnıñ Qırımnı RŞFSCden UŞSCe "berüv" kararının aqiqiy olmağanı qanun levhası kirsetildi.
Rusiye Devlet Dumasınıñ elektron vesiqalar bazasından "Qırım vilâyetini RŞFSCniñ terkibinden UŞSCniñ terkibine berüv qararınıñ aqiqiy olmağanını tanıma" 572350-8 qanunı leyhasında bunı körmek mümkün.
UPD: Halqaracı-uquqçı, Ukraina prezidentiniñ Qırım MCdeki eski daimiy temsilcisi Borıs Babin Suspilne Qırımğa añlattı ki, böyle teşviqat ve sahte adımı — yardımcılarınen RF Qanunname makemesinde bu aktlarnı "lâğu etmege" qarar bergen işğal etilgen Qırımnıñ nutuqçısı Volodımır Konstantınovnıñ anonslarına rektsiyadır.
"Bir qaç afta evel Konstantınov, Duma işdeşleriniñ hoşnutsızlığına baqmadan öz uquqiy hayalerini bildirmege başladı, bunıñ içün körgenimiz kibi, rus parlamentinde alternativ teşebbüs azırlandı. Amma em Qırımda duşmannen çalışqan insanlar, em de Duma işçileriniñ maqsadı aynı — Kremlge "kreativligi ve teşebbüşçiligi"ni isbatlamaqtır. Elbette, episi bu uquqşınaslıqtan uzaqtır ve onıñ uquqiy neticesi olmaycaq", — dep Babin bildirdi.
Teşebbüsniñ müellifleri arasında Qırımnıñ işğal "senatorı", Federatsiya Şurasınıñ halqara eyyetiniñ azası Sergey Tserkov bar.
"1954 senesi RŞFSC ve ŞSCB Qanunnamelerini bozğan ve uquqiy aqqına saip olmağan normativ-uquqiy aktlarnen berilgen qarar, uquqiy devletniñ printsiplerine ve halqara uquqqa uyğun olmay", — dep qanun leyhasınıñ metninde qayd etildi.
Telegram ve Facebookta Suspilne Qırım haberlerine abune oluñız
