Kiçik aynıñ 26-sında Qırımnıñ işğaline qarşılıq künü "Sarı şerit" areketiniñ qırım faalcileri, yarımadada Ukrainanıñ devlet bayrağını astılar. Bundan ğayrı, olar Qırımnıñ farqlı yerlerinden bayramnen hayırladılar.
Öz Telegram kanlında "Sarı şerit" bu aqqında haber berdi.
"Bugün "Sarı şerit" areketiniñ faalcileri, qırım dağlarınıñ biriniñ töpesine bizim bayrağımıznı kötereler. Yaqın kelecekte bütün yarımada üzerinde sarı-mavı bayraq dalğalanacaqtır. Biz bilemiz ki, Qırım ra**stlerden azat etilecek ve kerekli olğance qarşılıq köstermelimiz!", — dep bildirildi.
Bundan ğayrı, areketniñ qırım iştirakçileri, yarımadanıñ farqlı yerlerinden Qırımnıñ rus işğaline qarşılq kününen hayırladılar. Şu cümleden Aqmescit, Aqyar, Yalta ve Kezlevden.
"Qarşılıq devam ete! Yarımadanıñ işğalden azat etilecegini bekleymiz, USQni bekleymiz. Qırım, ukrain bar edi, bar ve olacaq!", — dep faalciler qoştılar.
Telegram ve Facebookta Suspilne Qırım haberlerine abune oluñız
