Qırımnıñ işğaline qarşılıq künü Meclis ukrain taraflı qırımlılarğa ve USQe teşekkür bildirdi

Qırımnıñ işğaline qarşılıq künü Meclis ukrain taraflı qırımlılarğa ve USQe teşekkür bildirdi

Qırımnıñ işğaline qarşılıq künü Meclis ukrain taraflı qırımlılarğa ve USQe teşekkür bildirdi
Aqmescitteki Qırım Yuqarı Şurasınıñ binası ögünde faalcile mitingi, 2014 senesi kiçik aynıñ 26-sı. Фото: Facebook/Рефат Чубаров

Qırım Muhatar Cumhuriyeti ve Aqyar şeeriniñ işğaline qarşılıq künü kiçik aynıñ 26-sında Qırımtatar Milliy Meclisi, Ukrainağa sadıq olğan işğal etilgen Qırımnıñ sakinlerine ve yarımadanı azat etmege cenkleşken ukrain askerlerine teşekkür bildirdi.

Facebook saifesinde Meclisniñ prezidiunınıñ adından Qırımtatar Milliy Meclisiniñ başı Refat Çubarıv bu aqqında haber berdi.

"Qırımtatar Milliy Meclisi cesareti ve fedakârlığınen Qırımnı azat etmege cenkleşken Ukraina Mudafaa Quvetleriniñ bütün askerlerine teşekkür bildire, qırımtatar halqına ve Ukraina devletine sadık olğan vaqtınca işğal etilgen Qırımnıñ sakinlerine ürmet ve destek bildire. Qırımtatar Milliy Meclisi, Qırımnıñ rus tecavuzcılarından tezce azat etilmesi içün bütün kerekli adımlarını yapmağa devam etecek", — dep bildirildi.

Aynı zamanda Çubarov hatırlattı ki, USQde Qırımnıñ biñlerce sakini hızmet ete. Bundan ğayrı, yarımadanıñ on senelik işğali, qırımtatarlarnıñ ve Qırımnıñ sakinleri olğan farqlı haqlarnıñ vekilleriniñ çoqusınıñ ruhuna bozmadı. Olar, rus işğaline zorbasızlıqnen qarşılıq köstererek, Ukrainağa sadıqlar.

"10 senelik işğal devrinde Rusiye Qırımnı büyük arbiy boşluqqa çevirdi. Anda Qırımnıñ sakinlerine qarşı kütleviy cinayetlerni yapa, insanlarnı öldüre ve zoraki tutıp qapata, siyasiy sebeplerden insanlarnı taqip ete, fikir, din ve işanç kibi azatlıqlardan marum ete. Rus işğalcileri, Ukrainanıñ tamır halqı olğan qırımtatar halqını taqip eteler, Qırımnıñ ealisiniñ demorgafiyası ve qavmiyatını deñiştimege ıntılalar. Bu, cenk cinayetleridir", — dep Meclisniñ başı qayd etti.

O qoştı ki, 2014 senesi RF Qırımnı zapt etecek eti. Bu, bütün Ukraina devleti üzerinde kontrolınıñ başlanğıcı olacaq edi.

"2014 senesi kiçik ayda Kreml emin edi ki, onıñ ilk emrinen yerli eliniñ yardımınen devlet organları ve quvet müessiseleriden rus agentleriniñ büyük ağı, Moskvanıñ istegeni vaziyet yaratacaqlar, Qırım Yuqarı Şurasınıñ qararına binaen Qırımnı Ukrainadan almağa yardım etecekler", — dep Çubarıv tafsilâtlıca añlattı.

O zaman 2014 senesi kiçik aynıñ 26-sında Meclis tarafından teşkil etilgen mitingniñ tahminen 20 biñ iştirakçisi Ukrainanıñ topraq bütünligini destek etti, Kremlniñ planlarını bozdı, Qırımnıñ Ukrainanıñ ayırılmaz parçası ve qırımtatar halqınıñ vatanı olğanını dünyağa kösterdi.

Telegram ve Facebookta Suspilne Qırım haberlerine abune oluñız

На початок