Siyasiy mabüslerniñ davaları ve vaziyetini aydınlataraq, jurnnalistler de siyasiy sebepli taqiplerniñ fedaları olalar. 2014 senesinden başlap eñ az 19 qırım jurnalisti taqip etildi ya da taqip etile, olardan 16-sı alâ daa apishanede buluna.
"QırımSOS" uquq qorçalayıcı teşkilâtı, böyle bilgilerni toplap yayınladı.
Vladıslav Yesıpenko

Qırımnıñ içtimaiy ce ekologiya meselelerini aydınlatqan Radio Svobodanıñ ştatından tış jurnalisti Vladıslav Yesıpenko. 2021 senesi saban ayında FSB işçileri tarafından tutuldı. Ruslar onı "ukrian mahsus hızmetleriniñ menfaatına" malümat toplamağa ve maşnada "öz elinen yapılğan patlayıcı alet"ni saqlamağa qabaatladılar. Şu anda jurnalist umumiy rejimli müstemlekede 5 senege maküm etildi.
İrına Danılovıç

2022 senesi çiçek ayında rus quvetçileri tarafından tutulıp qapatılğan qırım faalcisi ve cemaat jurnalisti İrına Danılovıç. Tevqif etilmeden evel işğal şaraitinde insan aqları bozmalarını qayd ete, tibbiyetçilerni qorçalay ve yarımadadaki sağlıq sistemasınıñ vazyetini aydınlata edi. Patlayıcı maddelerni ya da patlayıcı aletlerni qanunsız alğanı, saqlağanı ve taşığanı sebebinden 7 senege maküm etildi.
Amet Süyemanov

"Qırım birdemligi"niñ cefmaat jurnalisti Amet Süyemanov, qırımtatarlarnıñ evleriniñ tintüvleri ve tevqiflerini aydınlata edi. 2020 sebesi baarde tevqif etildi. Rusiye ve vaqtınca işğal etilgen Qırımda terrorcı bir teşkilât olaraq tanınğan «Hizb ut-Tahrir» islâm siyasit teşkilâtında faaliyette iştirak etkeni sebebinden 12 senege maküm etildi.
Hizb ut-Tahrir islâm fırqası sadece Rusiyede terrorcı bir teşkilât olaraq tanındı, çünki bu teşkilâtnıñ azaları, musulmanlarğa repressiyalar sebebinden muntazam tarzda işğal akimiyetini tenqit ete ediler. Aynı zamanda Hiz ut-Tahrir dünyanıñ ülkeleriniñ çoqusında ve Ukrainada serbest şekilde faal ete.
Marlen Asanov

Cemaat jurnalisti, qavmiy merkezniñ temel coyucısı Marlen Asanov, makeme oturışlarını aydınlata ve qırım siyasiy mabüsleriniñ ailelerine yardım ete edi. Rusiyede terrorcı bir teşkilât olaraq tanınğan «Hizb ut-Tahrir» islâm siyasit teşkilâtında faaliyette iştirak etkeni sebebinden sert rejimli müstemlekede 19 senege maküm etildi.
Vilen Temeryanov

2022 senesi arman ayında rus quvetçileri, cemaat jurnalisti Vilen Temeryanovnı tuttılar. Yarımada vaqtınca işğal etilgen soñ qırımtatarlarnıñ evleriniñ tintüvlerini aydınlata edi. Terrorcı bir teşkilâtta faaliyette iştirak etkeni sebebinden 29 senege maküm etile bilir.
Mıkola Semena

FSC tarafından taqip etilgen Mıkola Semena qırım jurnalisti ve nezaretçisidir. 2017 senesi 2,5 senege maküm etildi. 2 sene devamında maarif faaliyeti, çıqışlar ve KHVda derclernen, malümat-telekommunikatsiya ağlarında, şu cümleden İnternette, malümat yayınlanuvnen bağlı faaliyet yapmağa yasaqlandı.
Lütfiye Zudiyeva

Lütfiye Zudiyeva, "Qırıjm birdemligi"niñ faalcisi ve "Gratı"nıñ jurnalistidir. İşğal etilgen Qırımdaki makeme ceryanları ve insan aqları bozmalarını aydınlata. İşğalciler tarafından çoq kere basım çekti. 2019 senesi sanki "aşırıcılıq timsaller"nen paylaşqanı sebebinden tutuldı. 2023 senesi vatandaşlarnıñ içtimaiy yerde kütleviy bulunmalarını teşkil etkeni sebebinden tutuldı. 2024 senesi qırımtatar qadını "kütleviy malümat azatlığı suisitmalı"nda qabaatlandı.
Hatırlatamız ki, qırım uquq qorçalayıcı gruppası, yarımadada jurnalistlerniñ taqibine ait olğan eñ az 90 insan aqqında delillerni topladı. Umumen bazağa deyerli biñ şubelengen adam kirsetildi. Olar 2014 senesinden başlap jurnalistler ve faalcilerni taqip eteler, sahte davalar çerçivesinde olarğa üküm çıqaralar ve sebepsiz şeklinde apis eteler.
Telegram ve Facebookta Suspilne Qırım haberlerine abune oluñız