Makeme, Qırım Muhtar Cumhuriyetindeki Ukraina Telükesizlik Hızmetiniñ eski reberi Oleh Kuliniçniñ qorçalayıcı tedbirini 60 künge uzattı. Onı devler hainliginde qabaatlaylar.
Qabaatlanğan adamnıñ advokatı Dmıtro Palamarçuk bunı Suspilne Qırımğa añlattı.
"Qorçalayıcı tedbirini 60 künge uzattılar. Biz şikâyetname yolladıq, yarın dava yañıdan baqılacaq. Oleh Mıkolayovıçnıñ sağlıq alı o qadar yahşı olmağanı içün açıq oturışlar olğanda bile makeme, Kıyiv taqiqat izolâtorında olmağan sağlıq müessiselerinde Kuliniçke yardım etmelerini qarar berdi", — dep uquq qorçalayıcı haber berdi.
Onıñ sözlerine köre bu qarar berilgen soñ tahminen 60 kün keçti, amma Kuliniçni hastahenege alâ daa yattırmadılar. Palamarçuk qayd etti ki, böyle areketler, onı tedaviylemege yollağan müessisenen subet ve alâqanen bağlı bazı zorluqlarnen bağlıdır.
Oleh Kuliniç aqqında ne bilemiz
- 2022 senesi oraq ayınıñ 17-sinde UTH ve DTB, Qırımdaki UTHniñ eski başı Oleh Kuliniçni tuttılar.
- Uquq qorçalayıcılarnıñ bilgilerine köre, eñ az 2019 senesiden başlap Oleh Kuliniç ruslarnen çalışqan edi. RF Federak telükesizlik hızmetiniñ işçileri onen işdeşlik yaptılar, onıñ lâğabı "Kotığoroşko" edi.
- Kuliniçke devlet hainliginde (Ukraina CQniñ 111. maddesiniñ 1. qısmı) ve cinaiy teşkilâtnı yaratmaqta (Ukraina CQniñ 255. maddesiniñ 3. qısmı) şübe bildirdiler. Onı 15 senege maküm ete bilirler.
Telegram ve Facebookta Suspilne Qırım haberlerine abune oluñız
