Rusiye tarafından "casuslıq"ta qabaatlanğan qırımtatar qadını, Ukraina vatandaşı Leniye Umerova rus apishanesinden mektüp yazdı.
Öz Facebook saifesinde siyasiy mabüsniñ ağası Aziz Umerov bu aqqında haber berdi.
"Dostlar, Lefortovo apishanesinden selâm! Destegiñiz içün sağ oluñız! Meni ürmet etkeniñiz ve menim içün müim insanlarnı: yaqınlarımnı, toptrağımnı tutqanıñız içün de sağ oluñız! Bir şey içün başqa şeyden red etmek, cinayettir! Olar azatlıqtan marum ete, qafeske oturta, ayatını tamamınen deñiştire bileler, amma qıymetim ve printsiplerimni alamazlar! Şimdi epimiz, ukrainalılar, içün vaqıt zor! Bütün meşaqqat birlikte yeñeyik ve bizim içün müim şeylerni qaytarayıq! Maña ve azat olacağıma işanğanıñız içün sağ oluñız! Siziñ Leniyeñiz!", — qanunsız olaraq tutulğan qırımtatar qadını yazdı.
Leniye Umerova aqqında ne bilemiz
2022 senesi ilk qış ayından berli Rf akimiyeti, 25 yaşındaki qırımtatar Leniye Umerovanı qanunsız olaraq tuta edi. Oña qarşı bir qaç memuriy protokol tizdi. Birinci kere sanki vesiqalarını bermegen, bundan soñ sanki telefonını bermegen, bundan soñ da sanki "masadan çıqmağan ve qarşılıq köstergen".
Suspilne Qırım Leniyeniñ ağası Aziz Umerovnen laf etti. Rusiye tarafından ukrain pasportına saip olğanı ve rus pasportından red etkeni sebebinden maküm etilgen qardaşınıñ ikâyesini añlattı.
Qırım uquq qorçalayıcı gruppasınıñ başı Olha Skrıpnık, qırımtatar Leniye Umerovanıñ Rusiyedeki izolâtorda teqvif müddetiniñ uzutılmasınıñ sebeplerini añlattı. Bundan ğayrı, uquq qorçalayıcı, qadınnı işğalcilerden qurtarmağa ve evge qaytarmağa yardım etecek yollarnı bildirdi.
Quralaynıñ 5-inde Moskvadaki Lefortov rayon makemesi, ruslarnıñ Şimaliy Osetiyada 5 ayğa qanunsız olaraq tevqif etkeni qırımtatar Leniye Umerovanı epis etti. Leniye Umerovanıñ qorçalayıcıları, qorçalayıcı tedbirniñ miqdarını iddialaşmağa planlaştıralar.
18 грудня у Москві Лефортовський суд розглянув клопотання слідчого про продовження запобіжного заходу кримській татарці Леніє Умеровій, обвинуваченій у "шпигунстві" (ст. 276 КК РФ). Їй продовжили арешт на два місяці. İlk qış ayınıñ 18-inde Moskvadaki Lefortovo makemesi, qırımtatar Leniye Umerovanıñ qorçalayıcı tedbirniñ uzatılması aqqında taqiqatçınıñ ricasını baqtı. Qırımtatar qadınnı "casuslıq"ta (RF CQniñ 276. maddesi) qabaatlandı. Onıñ tevqif müddetini daa eki ayğa uzatıldı.
Telegram ve Facebookta Suspilne Qırım haberlerine abune oluñız
