Aqyar şeer şurasınıñ 6. taqımınıñ sabıq mebusı ğıyabiy şekilde maküm etildi. Onı devlet hainligindeUkraina CQniñ 111. maddesiniñ 1. qısmı qabaatlı olaraq tanıdılar ve 11 senege maküm ettiler.
Qırım MC ve Aqyar şeeriniñ prokurorlığınıñ matbuat hızmeti bu aqqında haber berdi.
Makemede prokurorlar isbatladılar ki, 2014 senesi Aqyar şeer şurasınıñ başqa mebuslarınen beraber mebus, RF Silâlı Quvetleri tarafından yardımadanıñ işğalini gizlemek maqsadınen o zaman qanunsız Qırım parlamentini destek etüvnen bağlı bir qaç qanunsız qararlarğa rey berdi.
"Yarımadanıñ mustaqilligi ve böyle degen "Qırım Cumhuriyeti"niñ yaratılmasınen bağlı qararlar, Rusiyege Aqyar şeerini Rusiyeniñ terkibine kirsetmek teklifinen hitap, Aqyar şeer şurasınıñ adını "Aqyar qanun çıqarıcı toplaşuvları"na deñiştirüv aqqında laf etemiz", — dep bildirildi.
Qayd etildi ki, bundan soñ maküm etilgen adam işğalcilernen işdeşlik yapmağa devam ete, şu cümleden, Qırımnıñ rus naziriniñ işğal muavini vazifesini yapa edi. Öz areketlerinen Rusiyeniñ vekillerine Ukrainağa qarşı itibardan tüşürici faaliyet yapmağa yardım etti.
Telegram ve Facebookta Suspilne Qırım haberlerine abune oluñız
