İşğal akimiyeti, imam İsmail Yurdamovnı «missioner faaliyeti»nde qabaatlı tanıdı ve 8 biñ rublelik≈ 3,4 тисячі гривень para cezasını berdi.
Advokat Rustem Kâmilev bunı añlattı, dep Qırım birdemligi haber berdi.
«Elbette makeme oturışında imam, Cüma namazlarını ne içün qılğanını açıq şekilde añlattı. Ayttı ki, halqtan bir vazifedir. Makemecige öz nazar noqtasını añlattı, faqat, elbette, deliller eşitilmedi», - dep advokat añlattı.
Bundan ğayrı, Kâmilevniñ sözlerine köre, işğal makemesi qorçalayıcı tarafnıñ şaatlar çağırmaq ricasını red etti. İşğalicler, memuriy protokolda bu şaatlarnıñ qayd etilmegenini aytıp delil ketirdiler.
Uquq qorçalayıcı qoştı ki, qorçalayıcı taraf işğal makemesiniñ qararına şikâyetname yollaycaq.
İmam İsmail Yurdamov aqqında ne bilemiz
İlk qış ayınıñ 13-ünde saba maalinde rus quvetçileri, Qırımnıñ İslâm Terek rayonındaki Cuma Eli köyünde imam İsmail Yurdamovnıñ evini tinttiler. Bundan soñ onı tuttılar ve "politsiya bölügi"ne ketirdiler. İmamnıñ qızı Gülsüm Yurdamovanıñ sözlerine köre, quvetçiler tintüv sebebi, babasınıñ qırım siyasiy mabüslerini faalca destek etmesidir.
Birazdan imam İsmail Yurdamovnı "vicdan azatlığı, din azatlığı ve din birleşmeleri aqqında qanunlarnı bozaraq qanunsız missioner faaliyeti"ndeRF MQniñ 5.26. maddesiniñ dörtünci qısmı qabaatladılar.
Telegram ve Facebookta Suspilne Qırım haberlerine abune oluñız
