Aqyardaki işğal Lenin rayon makemesi, içtimaiy ağlarda RF Qaradeñiz flotunıñ flagmanı olğan "Moskva" kreyseriniñ yoq olmasını tefsir etken sakinge para cezasını berdi.
Makemeniñ qararına atıf eterek ForPost bu aqqında yazdı.
Qayd etildi ki, 2022 senesi çiçek ayında rus içtimaiy ağı "VKontakte" gruppalarından birinde adam tefsir yazdı.
"Eñ az 2023 senesi boş ayğa qadar küfür sözlernen ve "ruslarnıñ tübü" ifadesinen halq ögündeki metin, gruppanıñ saifesinde qaldı. Ve internet menbasını baquv aktında qayd etildi", – dep bildirildi.
"Dava"nıñ baqılmsınıñ neticelerine köre işğal makemesi, tefsirniñ müellifine 30 biñ ruble para cezasını berdi.
Hatırlatamız ki, Ukrainanen cenkten iştirak etken "Moskva" adlı rus kreyseri 2022 senesi çiçek ayınıñ 13-ünde battı. Ukrainanıñ arbiy komandanlığı ve Pentagon haber berdiler ki, gemi ukrain raketalarınen mahv etildi. Rusiye ise bunı red ete, kreyserniñ mahv etilmesini silânıñ patlamasına sebeb olğan yanğınnıñ neticesi adlandıra.
Telegram ve Facebookta Suspilne Qırım haberlerine abune oluñız
