Ukraina mudafaa quvetleri, vaqtınca işğal etilgen Qırımdan eñ az 41 RF askerini esir etti. Olarnıñ çoqusı Ukraina vatandaşıdır.
Facebookta Ukraina Prezidentiniñ Qırım Muhtar Cumhuriyetindeki vekilligi bu aqqında haber berdi.
"Tasdıqlandı ki, vaqtınca işğal etilgen Qırımdan eñ az 41 RF askeri esir etildi, çoqusı Ukraina vatadanşıdır", — dep bildirildi.
Bundan ğayrı, bildirildi ki, Qırımda rus ordusınıñ eñ az 632 askeri defin etildi, olardan 475-i Ukraina vatandaşı edi. Defin etilgen insanlarnıñ sayısı daa büyük ola bile, çünki çoqusını aydınlatmay, dep müessise qayd etti.
Suspilne Qırımğa tefsir etkende Ukraina Mudafaa nazirliginiñ Baş istihbarat idaresiniñ matbuat hızmetiniñ vekili Andriy Yusov, esit etilgen Qırım sakinleriniñ deñişme cedveline kirsetilip-kirsetilmegenini añlattı.
"Er bir devlet haini olğan Qırım sakinleri, duşmannen işdeşlik yapqanlar, başqa işğal etilgen topraqlarnıñ vekilleri, ukrain esirligine rus askeri olaraq oğradı. Bir ceetten, ayrı qanunlar ve makeme kararları bar. Başqa ceetten, bizim içün mudafaacılarımız ve qorçalayıcılarımıznı qaytarmaq müimdir. Eger bu insan deñişmege ve Rusiyege keri ketmege istese, eger tecavucı bir devlet, bu insannı deñiştirmek istegenini bildirse, böyle variant bar", — dep qayd etti o.
Telegram ve Facebookta Suspilne Qırım haberlerine abune oluñız
