“Ateş” arbiy-partizan areketiniñ agentleri, vaqtınca işğal etilgen Qırımdaki Qurman rayonınıñ Büyük Onlar qadabasındaki demiryol stantsiyasında rus arbiy tehnikasınıñ toplanmasını qayd ettiler.
Öz Telegram kanalında areket bu aqqında haber berdi.
İstihbarat neticesinde partizanlar, RF SQniñ tehnikasınıñ toplanmasını ve top sistemalarınen bir aletini taptılar.
“Malümatqa köre em tehnika, em askerler ğayıpları sebebinden Herson ve Zaporijjâ taraflarına yollamaq içün stantsiyada arbiy tehnikasını yavaş-yavaş toplaylar”, - dep bildirildi.
İşğal etilgen Qırımdaki "Ateş" partizanlarınıñ soñ areketleri aqqında ne bilemiz
- İlk qış ayınıñ 23-ünde “Ateş” Keriç boğazı ortasında yerleşken Tuzla odasında ve Qırım köprüne kirişte onlarca rus Ava mudafaası kompleksiniñ yerleşmesini qayd etti.
- İlk qış ayınıñ 20-sinde işğal etilgen Qırımdaki Canköyde areket, rus arbiy tehnikasınıñ bazasını ögrendi. Bundan ğayrı, areketniñ agentleri şeerdeki yañı ateş noqtalarını qayd ettiler.
- İlk qış ayınıñ 15-inde qırım partizanları, Qırımdaki Canköy rayonında rus arbiy tehnikasını videoğa çıqarıp, yerini ve koordinatını yayınladılar.
- İlk qış ayınıñ 14-ünde işğal etilgen Qırımda partizanlar, rus tehnikasınıñ toplnamasını taptılar. Partizanlar, işğalcilerniñ Aqmescitteki toplanma yerini nezaret eteler.
- İlk qış ayınıñ 13-ünde "Ateş" areketiniñ partizanları, işğal etilgen Kezlevdeki Rosgvardiyanıñ arbiy qısmınıñ qurulğan binasına kirdiler.
Telegram ve Facebookta Suspilne Qırım haberlerine abune oluñız
