Ukraina Mudafaa nazirliginiñ Baş istihbarat idaresiniñ vekili Andriy Yusov Suspilne Qırımğa işğal etilgen Qırımğa ateşlerniñ ruslarnıñ logistikasına nasıl tesir etkenini, bu operatsiyalarnı ne vaqıt azırlağanlarını ve Qırımda rus askerleriniñ yerini deñiştirip deñişmegenlerini añlattı.
O añlattı ki, Ukraina Qırımda esir ve kontrol zonasını kenişletti ve Qara deñizdeki vaziyetni yahşılatırdı. Bunıñ içün bugün işğalciler içün işğal etilgen yarımadada telükesiz bir yer yoq.
Biz köremiz ki, strategik ceetten pek müim şeyler yapılmaqta. Bir qaç aydır duşman Qaradeñiz flotunıñ astyapısını ukrain Qırım yarımadasından Novorossiyskke ve başqa obeyktlerge ketirmege tırışa. Olar em gemilerni, em de stabil astyapısını ketireler. Kerçekten bu köstere ki, tecavuzcı añladı ki, olar içün Qırımdaki vaziyet pek yaramay oldı.
Yusov qayd etti ki, 2022 senesine köre, bu sene Qırımdaki işğalcilerniñ tenhikalarına ve ordusına qarşı operatsiyalar ve ateşlerniñ sayısı pek arttı. Bu, em arbiy, em de arbiy maqsatnen qullanılğan logistika obyektlerge bağlıdır.
Tecavuzcı içün ketirüv ceetinden, grafiklerni yañıdan yaratuv ceetinden er bir muvafaqiyetli operatsiya, meseledir. Olar vaqıt müddetini er zaman uzatalar ve er vaqıt bu, ukrain mudafaaları içün qullanğanları imkânlardır.
Bu sene ukrain askerleriniñ daa çoq miqyaslı operatsiyası keçirildi. Şu cümleden, Qırım köprüne ateşler, "Boyko qulleleri"ni ukrain kontrolı astına qaytaruvı, Bİİniñ ukrain mahsus askerleriniñ desant operatsiyaları ve umumen qarşılıq areketnen Telükesizlik ve mudafaa quvetleriniñ faaliyeti.
Bazı mahsus operatsiyalar alâ daa devam ete. Misal olaraq, "Boyko qulleleri"ni kontrol etüvi ve qorçalavı. UMNniñ Bİİniñ vekiliniñ sözlerine köre, ukrain askerleri vazifelerini qaramanca yaparaq, Rusiyeniñ deñiz ve avadaki areketlerini qıyılaştıralar.
Bunıñ içün bu, bu sene ukrain Telükesizlik ve mudafaa quvetleriniñ soñ derecede müim muvafaqiyetidir. Elbette, bu zor, kerçekten zor. Bu, vazifelerni yapqan insanlar içün ayat telükesinen bağlıdır. Ve "Boyko qulleleri"ni azat etken ve ukrain kontrolı astına qaytarğan mahsus askerlerniñ ikâyeleri bütün dünyada belli oldı. Bu qaramaniy ikâyeler devam ete.
Yusovnıñ qayd etkenine köre, Ukraina Mudafaa quvetleriniñ ücümleri neticesinde Rusiye gemilerini ve suv astındaki gemilerini bir yerge ketirmege mecbur oldı.
Muvafaqiyetlerimiz arasında mahv etilgen rus suv astındaki gemisi, mahv etilgen paalı cihazları, bu duşman gemilerini temir etken yaralanğan ihtisasiy işçileri ve askerleri. Bunıñ içün bu, muvafaqiyetli neticelerdir ve elbette, işağcilerniñ flotundan ukrain flotu daa küçük ve zayıf olğanına baqmadan başqa usullar, vastalar ve yolları qullanaraq, bugün Ukraina RF Qaradeñiz flotunı eminliknen çıqara ve yavaş-yavaş bütün oyundan çıqara.
Andriy Yusovnıñ sözlerine köre, bu tür operatsiyalarğa arılanmaq, devamlı ceryandır. O aylarca süre. Azırlanuv ceryanında bilgiler toplaylar, menbalarnı verifikatsiya eteler ve malümatnıñ doğru olğanını isbatlaylar. Bundan ğayrı, yerli eali ve qarşılıq areketiniñ, Ukrainanıñ ukrain Qırımına qaytmasını beklegen ve buña issesini qoşqan insanlarnıñ faal desteginen er bir böyle operatsiya keçirilir.
Bundan başqa, UMNniñ Bİİniñ vekili qayd etti ki, işğal etilgen topraqlarda insanlar, USQe yardım etmek telükesi ve hafını añlaylar.
Umumen Rusiye, diktatorlıqtır. İşğal etilgen topraqlarda, ayrıca Qırımda, bu ekige arttırılğan diktatorlıqtır. Kerçekten de bugün Qırım, fevqulâde filtrlev tedbirlerinen büyük toplama lageridir. Kerçekten de bu, repressiyalardır. Bunıñ içün faalca qarşılıq köstergen ve ukrain telükesizlik ve mudafaa quvetlerine yardım etmege devam etken vatandaşlar, aqiqiy qaramanlardır.
Bundan ğayrı, Yusov añlattı ki, bilgilernen paylaşuvı ve mesleatlar meselelerinde ğarbiy ortaqlarnıñ yardımınen böyle mahsus operatsiyalar keçirile.
Amma operatsiyalarnı planlaştıruvı, yerine ketirüvi ve qarar berüv ceetinde ise elbette, Ukraina ve reberligimiz öz başına qarar bereler.
Bu sene ukrain ordusınıñ işğal etilgen Qırımğa kireceginen bağlı haberlerni tefsit etkende Yusov qayd etti ki, malümat ta sılâdır.
Resmiy insanşardan, arbiy ve siyasiy reberlikten malümat, tesir aletidir. O, kerek olğanda yapılır ve becerilir. Konkert ifadeler ise kerçekleşti. Bu sene ve bu yaz ukrainalılar Qırımda ediler.
Yarımadadaki rus askerleriniñ ştablarına ücümlerden soñ işğalciler arbiy astyapısını gizlemege ve başqa yerge ketirmege tırışalar.
Bu, cenk qanunları ve ananelerini boza. İşğalcileriniñ askerleri, tehnikası ve ştab astyapısınıñ komandan terkibini yerleştirmek içün vatandaş obyektleri qullanulır. Yani em mektepler, em bala bağçaları. Kerçekten de bu, rus terrorcı ameliyatıdır.
Ukrain istihbaratınıñ vekili qayd etti ki, işğalciler içün Aqyardaki RF Qaradeñiz flotunıñ şatb-dairesine ateş, itibar felâketi oldı.
Umumen işğalcileriniñ Qaradeñiz flotunıñ esas vazifelerinden biri, propaganda vazifeleridir. Bu, rus ealisiniñ gurur ve zombileştirüv aletidir. Ve elbette, böyle yoq etici ateş, bir şeynen unuttırılmaz itibar malümat mağlübiyetidir. Malümat ceetinden ğayrı, bizim içün bu faydadır, çünki duşman astyapısınıñ müim obyekti bozuldı. Planlaştıruv ve duşman flotunıñ faaliyetini temin etüv ceryanında vastasız iştirak etken çoq asker öldürildi ve yaralandı. Yani bu,ü soñ derecede müim ve pek muvafaqiyetli operatsiyadır.
Hulâsa çıqarğadan Andriy Yusov qayd etti ki, öldürilgen er bir işğalci, yoq etilgen er bir duşman raketağa qarşı aleti, ava mudafaası sisteması, mahv etilgen er bir gemisi ya da suv astındaki gemisi, bizim topraqlarımıznıñ işğalden azat etilmesini yaqınlaştıra, em askerler, em de tınç yaşağan vatandaşlarnıñ, bizim ayatımıznı qorçalay ve qurtara, Rusiyeniñ mağlübiyetini de yaqınlaştıra.
Telegram ve Facebookta Suspilne Qırım haberlerine abune oluñız
