İşğal etilgen Qırımda qırım musulmanları davasında apis etilgen cemiyet jurnalisti Vilen Temeryanovnıñ taqiqat izolâtorında körme qabiliyeti aniden zayıflaştı.
Onıñ apayı Elmaz Gaziyeva bu aqqında haber berdi, dep «Qırım birdemligi» bildirdi..
Bildirildi ki, eşyalarnı diqqatnen közden keçirmege tırışqanı içün adamnıñ közleri er vaqıt ağıra. Temeryanov közlüklerni taqmağa mecbur. Közlüklerni aqrabaları oña alıp berdiler.
"İnsandan 3 metr uzaqlıqta turğanda onıñ yüzüni köremey. Faqat bundan evel maşna qullana, uzaqta köre edi, dep apayına añlattı", – dep Temeryanov apayına añlattı.
Bundan ğayrı, cemiyet jurnalisti şikâyet ete ki, onıñ midesi ağıra. Bunı SİZOdaki aş ve faal olmağan ayat tarzınen bağlay.
Temeryanov bildirdi ki, tişçiniñ acelen yardımına da ihtiyac duya.
"Tişlerinden iç bir şey qalmayıp tura. Bu büyük bir meseledir ve bu apishanede başlandı", – dep qırımtatar adamınıñ apayı qayd etti.
Vilen Temeryanov aqqında ne bilemiz
2022 senesi arman ayınıñ 11-inde Qırımnıñ Canköy rayonındaki Frayleben qasabasında Rusiye FSB işçileri, «Qırım birdemligi» ve «Grani.ru»nıñ mühbiri Vilen Temeryanovnıñ evini tinttiler. «Hizb ut-Tahrir»de iştirak etmege qabaatlatıp adamnı tuttılar.
O kün tintüvler vaqtında rus quvetçileri daa beş qırımtatar faalcisini tevqif ettiler. Rusiyeniñ kontrol etkeni Aqmescitteki Kıyiv rayon makemesi, tutulğan qırımtatar adamlarını akis etti.
Musulmanlarğa qarşı repressiyalar sebebinden Hizb ut-Tahrir teşkilâtınıñ azaları işğal akimiyetini er vaqıt tenqit etkenleri içün bu islâm siyasiy fırqası Rusiyede yasaqlandı. Aynı zamanda Hizb ut-Tahrir dünyanıñ çoq ülkesinde, ayırca Ukrainada, serbesrt şekilde çalışa.
Telegram ve Facebookta Suspilne Qırım haberlerine abune oluñız
