İlk qış ayınıñ 26-sınıñ gecesi Kefede RF Qaradeñiz flotunıñ "Novoçerkassk" büyük desant gemisi mahv etildi. Patlamalar neticesinde yaralanğanlar bar, bir insan öldi.
Qırımnıñ işğal başı Sergey Aksönov bu aqqında haber berdi.
"Yazıq ki, duşman ateşi neticesinde Kefede bir insan öldi, eki insan yaralandı. Altı bina bozuldı – çoqusı allarda pencereler patlamadan çıqarıldı. Altı insan vaqtınca yerleşme noqtalarına tahliye olundı, qalğan sakinler aqrabaları ve tanıklarının evlerinde yerleşti. Nakliyat astyapısı adiy şekilde çalışa, yolcularnen bağlı sıñırlamalar yoq", – dep öz Telegram kanalında Aksönov yazdı.
Yerli kanallnıñ bildirgenine köre, USQniñ Kefe rayonındaki limanğa ücümi neticesinde Demiryol vokzalı bozuldı. Şu cümleden, patmala dalğasınen pencereler çıqarıldı, qaba sılav töküldi.
Kefeden Canköyge trenler vaqtınca "Ayvazovskaya" stantsiyasından ketecek.
Liman yanındaki binalarnıñ pencereleri ve cam qapuları patlamadan çıqarıldı. Kommunalcılar soqaqlardan cam parçalarını alıp cıyıştıralar.
Bundan ğayrı, Kefede naqliyat içün Desantniki ve Krasnoarmeyskaya soqaqları vaqtınca qapatıldı.
Kefe limanına eñ yaqın binalardan 350den ziyade insan tahliye etildi. Olar, yerli mekteplerde abadanlaştırılğan eki vaqtınca yerleşme notasında yerleştirildi, dep işğalciler haber berdiler.
Telegram ve Facebookta Suspilne Qırım haberlerine abune oluñız
