Arbiy-partizan areketi “Ateş”, cebede çoq insan öldürilgeni içün rus işğalcileriniñ işğal etilgen Qırımdaki Kezlevden cebe sıñırına yollanmasını qayd etti. Partizanlar, şeerniñ şimalinden ketken KAMAZlar taqımını taqip ettiler.
Öz Telegram kanalında "Ateş" bu aqqında haber berdi.
"Qayd etmek kerek ki, cebede çoq insan öldürilgeni sebebinden bu areketler yapıla. Duşman, USQ tarafından çoq ğayıp çekkeni içün cebede çoq insan öldürile. İdare olunan komandanlıqnıñ olmaması, vaziyetni çoq qıyınlaştıra. Duşman askerleri arasında haos ve idaresizlikni yarata", — dep bildirildi.
Bundan ğayrı, areketniñ agenleri ögrendiler ki, tamam yahşı komandanlığı olmağanı içün komandanlar qaçalaar ve rus askerlerini yahşı idarecisiz qaldıralar. Bu, olarnıñ cenkleşemek qabiliyetne pek tesir ete ve USQne daa muvafaqiyetli qarşı ücümlerni yapmağa imkân bere.
İşğal etilgen Qıırmdaki "Ateş" partizanlarınıñ soñ areketleri aqqında ne bilemiz
- İlk qış ayınıñ 15-inde qırım partizanları, Qırımdaki Canköy rayonında rus arbiy tehnikasını videoğa çıqarıp, yerini ve koordinatını yayınladılar.
- İlk qış ayınıñ 13-ünde "Ateş" areketiniñ partizanları, işğal etilgen Kezlevdeki Rosgvardiyanıñ arbiy qısmınıñ qurulğan binasına kirdiler.
- İlk qış ayınıñ 11-inde partizanlar haber berdiler ki, işğalcilerniñ Qırımdaki Saq rayonınıñ Novoozörnoye meskün yeri yanında yerleştirgenleri tehnika yedegini taptılar.
- İlk qış ayınıñ 8-inde areket haber berdi ki, rus ordusınıñ Canköydeki askerlerini cebege ketirüv yañı marşrutını ögrendiler. İşğalciler, maşna naqliyatı ve trenlernen vokzalğa keteler.
- İlk qış ayınıñ 3-ünde qırım partizanları bildirdiler ki, rus ordusınıñ Ukraina Mudafaa Quvetleriniñ ücümlerinden qorunmaq içün REB sistemalarını Qırımdaki arbiy obyektlerge faal olaraq yaqlaştırmasını bir aftadır izlediler.
Telegram, Viber ve Facebookta Suspilne Qırım haberlerine abune oluñız
