Nazirler Kabineti, Ukrainada cenk vaziyeti vaqtında vekâletli insannıñ aylıq devlet para yardımını almaq imkânına dair qanunlarğa deñişmelerni tasdıqladı. Ombudsman Ofisi devlet organlarına hitap etken soñ onı tasdıqladılar. Çünki azaları Ukrainağa qarşı silâlı tecavuz sebebinden şahsiy azatlıqtan marum etilgen qırımtarar ailelerini içtimaiy qorçalav meselesi bar.
Ukraina Yuqarı Şurasınıñ İnsan aqları vekili Dmıtro Lubinets bu aqqında haber berdi.
"VİE Qırım MC ve Aqyar şeerinde yaşağan qırım siasyiy mabüsleriniñ ailelerinden çoq hitap aldıq. Ukrainağa qarşı silâlı tecavuz sebebinden şahsiy azatlıqtan marum etilgen insanlarnıñ ailelerine aylıq devlet para yardımını almağa rica ettiler", — dep o qayd etti.
Vaziyet deñiştirmek içün Lubinets, maqbul devlet organlarına hitap etti. Hitabını yollağan soñ orta küz ayında Nazirler Kabinetiniñ 5.11.2022 senesi 1281. qararına deñişmelerni teşebbüs ettiler. Bu deñişmelerge köre, cenk vaziyeti vaqtında vekâletli insannıñ aylıq devlet para yardımını almaq imkânı olacaq.
"2023 senesi boş aynıñ 10-unda Ukraina Nazirler Kabinetiniñ 1182. "Ukraina Nazirler Kabinetiniñ 2018 senesi çiçek ayınıñ 18-indeki 328. qararına ve 2022 senesi boş aynıñ 15-indeki 1281. qararına deñişmeler kirsetüv aqqında" qararı berildi. Oña köre, şimdi Ukrainağa qarşı silâlı tecavuz sebebinden şahsiy azatlıqtan marum etilgen insan esirlikten azat etilecek soñ Ukrainanıñ vaqtınca işğal etilgen topraqlarınıñ meseleleri nazirligi, bu insannıñ ya da vekâletli insanının bank esabına aylıq devlet para yardımını ödeye bilir", — dep YŞnıñ İnsan aqları vekiliniñ matbuat hizmetinde añlattılar.
Telegram, Viber ve Facebookta Suspilne Qırım haberlerine abune oluñız
