Siyasiy mabüs İvan Yatskin mektüplerni almaq ve yollamaq aqqından marum etildi

Siyasiy mabüs İvan Yatskin mektüplerni almaq ve yollamaq aqqından marum etildi

Siyasiy mabüs İvan Yatskin mektüplerni almaq ve yollamaq aqqından marum etildi
Siyasiy mabüs İvan Yatskin. Фото: Крим.Реалії

Rus müstemlekesiniñ işçileri, 11 senege maküm etilgen qırım siyasiy mabüsi İvan Yatskinge mektüplerni almağa ve yollamağa imkân bermeyler.

Uquq imayeci ve advokat Mıkola Polozov bu aqqında haber berdi.

İmayeci qayd etti ki, Yatskinge yollanğan mektüplerni oña bermeyler, onıñ yazğan mektüplerini ise yollamaylar. Yaqınlarına da telefon etmege izin bermeyler.

"Siyasiy mabüsniñ payının hitaplarına müstemlekede cevap bereler ki, İvan iç kimsenin laf etmege istemey, bu da namussız yalandır", — dep bildirildi.

Polozovnıñ qayd etkenine köre, keçenlerde Yatskinge ilâç bermege yasaq ettiler. Yaqınlarınıñ şahsen ketmelerini ve bütün ilâçlarnı tibbiy qısımnıñ reberine bermelerini talap ettiler.

"Qılınmalar, canavar tutuvı, işkenceler – deyerli er kün siyasiy mabüslerniñ qarşılaşqanları şeylerdir. Bunıñ yardımınen rus akimiyeti olarnıñ ruhunı bozmağa ıntıla", – Polozov yazdı.

İvan Yatskin aqqında ne bilemiz

  • İvan Yatskinni Rusiyedeki Kemerovo vilâyetiniñ Bilovo şeerindeki 44. tüketici müstemlekege etap ettiler.
  • 2022 senesi kiçik ayda advokat Mıkola Polozov haber berdi ki, rus apishanecileri İvan Yatskinni zulum eteler, çünki o Ukrainanı aqaret etmege izin bermedi. İmayeciniñ malümatına köre, Yatskin açlıq çekmege başladı.
  • 2022 senesi bozarğan ayda Rusiye Yuqarı makemesi, "devlet hainligi"de qabaatlanğan ve 11 senege maküm etilgen Qırım sakini İvan Yatskinniñ ükümine kasatsiya şikâyetnamesini red etti.

Telegram, Viber ve Facebookta Suspilne Qırım haberlerine abune oluñız

На початок