Aluştada işğal quvetçileri, "Aluşta" musulman cemaatınıñ başı Abdula Ğafarovnıñ evini tinttiler. İşğalciler, qırımtatar adamını "politsiya" bölügine alıp kettiler.
"Qırım birdemligi" bu aqqında haber berdi.
Qayd etildi ki, saba saat 6:30ta tintüv aqqında ilk haber berdiler.
"Saba tahminen saat 6:30ta qapını açmağa talap etken insanlar qapını şiddetli qaqtılar. Uyanıp ve ne olğanını añlağan vaqıt aqayım kiyinmege ayttı, olar ise daa şiddetli qaqıp turdılar. Aqayım olarğa şunı bağıra: "Belkeñiz, apayım kiyine!". Bundan soñ o merdivenden tüşti. Balalarnı uyandırdı, olarğa şunı ayttı: "Çabik kiyiniñiz", — dep apayı Fatma Ğafarova añlattı.
Şu anda Ğafarovnıñ evinde beş 18 yaşına yetmegen bala bar (olarnıñ birden 15ke yaşı bar).
"Bundan soñ tahminen 6-7 insan maska taqıp kirdi. Başqaları ise eki şaat edi. Aşağıda olar oña protokol okumağa başladılar. Ağlağan balanı tutaraq merdivenden tüşip, mında ne olğanını soradım, maña ise şunı ayttılar: "Biz aqayıñızğa er şey añlattıq". Men ise şunı aytam: "Maña ayıtñız". Olar ise "Bunı yapmağa mecbur degilmiz, aqayıñızğa er şey añlattıq" dep ayttılar", — dep Ğafarova qayd etti.
Evini tintken soñ "Aşırıcılıqqa qarşılıq merkezi"niñ işçileri Abdula Ğafarovnı Aluştadaki politsiya bölügine alıp kettiler.
Abdula Ğafarov aqqında ne bilemiz
Bu senen arman ayında RF MBQniñ 20.2.2. maddesine (Kütleviy aynı zamanda bulunma ve (ya) içtimaiy nizamnı bozğan içtimaiy yerlerde vatandaşlarnı ketirme) mücibi işğal makemesi Ğafarovğa memuriy tevqif ükümini çıqardı. Taqiqat izolâtorında dört kün keçirdi. O zaman Aqmescitteki "Kıyiv rayon makemesi" binası yanında onı tuttılar. O, açıq makeme oturışına keldi.
"Aluşta" din musulman cemaatınıñ azalarınıñ evleriniñ tintüvleri aqqında ne bilemiz
İşğal akimiyeti, mustaqil diniy musulman cemaatına çoq kere tesir etti, dep imam Yusuf Aşırov añlattı. 2019 senesi bozarğan aynıñ 10-unda Aluşta şeeri ve Körbekül köyü ve Büyük Lambat qasabasında dört qırımtatar adamınıñ evlerini tintken ve olarnı tutsan soñ cemaatnıñ başı Lenur Halilov ve teftiş eyyetiniñ azası Ruslan Mesutovnı da tuttılar.
2020 senesi bozarğan ayda işğalciler, "qanunsız missioner faaliyeti" sebebinden Aşırovğa 5 biñ rublelik para cezasını berdiler.
Telegram, Viber ve Facebookta Suspilne Qırım haberlerine abune oluñız
