Vaqıtnca işğal etilgen Qırımda Rosgvardiya cenkleşken politsiya ve siyasiy sebepli davalarda ceza qorqutıcı bir organı olaraq qullanılır. Yarımadada, şu cümleden Aqyarda olarnıñ yedi bölügi çalışa.
Qırım uquq qorçalayıcı gruppasınıñ analitikacısı İrına Sedova “Qırım.Aqiqat”qa haber berdi.
"Rosgvardiya, politsiyanıñ cenkleşken qıdmıdır. Ve evlerni tintmege kelip, olar politsiyanen beraber çalışalar. Yani olarnıñ silâsı bar, olarnıñ öz reberligi, öz tehnikası bar. Adiy politsiyadan ğayrı, olarnıñ daa çoq salâhiyeti bar. Ve bunıñ içün politsiya uzurında böyle ceza organı, qorqutıcı organdır. Ve bunıñ içün birinciden bütün kütleviy tintüvlerde ayrı bir bölük olaraq oştirak ete”, - dep añlattı o.
Bundan ğayrı, kütleviy numayışlar ve aktsiyalarda rosgvardiyacılar iştirak eteler. Olar böyle tedbirlerni toqtatalar, insanlarnı kütleviy olaraq tevqif eteler.
2016 senesinden Qırım işğal akimiyeti Rosgvardiyanı et vaqıt quvetleştire edi, amma olarnıñ sayısı gizlendi. Aynı zamanda Qırımda olarnıñ şekillenmeleri belli oldı. “Qırım.Aqiqat” yarımadanıñ interaktiv haritasını yayınladı:
Aqmescitte:
- Rosgvardiyanıñ 112. ayrı operativ taqımı (6914);
- Rosgvardiyanıñ mahsus tehnikalı polkı (6917);
- “Rus” 35. mahsus taqımı(6922).
Kezlevde:
- Rosgvardiyanıñ 750. ayrı mahsus tehnikalı taqımı (6918).
Gasprada:
- Rosgvardiyanıñ 751. ayrı mahsus taqımı (6919).
Keriçte:
- Rosgvardiyanıñ 115. ayrı mahsus taqımı (6942) (Rosgvardiyanıñ 39. deñiz taqımınıñ terkibinde);
- Rosgvardiyanıñ 144. mahsus mototaqımı (6915). Qırım köprüni qorçalamaq içün 2020 yerini deñiştirdiler. Şu anda Keriçteki Tsementna Slobidka soqağında, Rosgvardiyanıñ 39. deñiz taqımı yanında yerleşe.
Aqyarda:
- Rosgvardiyanıñ 42. ayrı motolaştırılğan operativ polkı (6916).
Telegram, Viber ve Facebookta Suspilne Qırım haberlerine abune oluñız
