Soratılğan ukrainalılarnıñ çoqy-usı tüşüne ki, Qırım işğalden azat etilecek soñ muhtar cumhuriyeti statusını qaldırmaq kerek. Daa az insan Qırım vilâyetini ve eñ küçük faiz - qırımtatar muhtariyetini teşkil etmege destek ettiler.
İT "Siyasiy Analitika Mektebi"niñ istegine "Reyting" içtimaiy gruppasınıñ araştırmasınıñ neticelerini bunı kösterdi.
Orta küz ayınıñ 10-14. künleri vaqtınca işğal etilgen topraqlardan ğayrı Ukrainanıñ bütün vilâyetlerinde 18 yaşına yetken eki biñ insannı soradılar. Ukraina Devlet isaiyat hızmetiniñ aktual bilgilerini qullanaraq neticelerni kösterdiler.
İnsanlarnıñ 17%i qırımtatar muhtariyetini destek etti. Olarnıñ çoqusı (30%) Kıyivde, eñ azı (9%) Donbasta yaşay. Qadınlar ve erekler arasında bu meselege nezareti farqlanmaz - 18 ve 17%. Aynı zamanda çoqusı allarda qart isnanlar, qırımtatarlarnıñ muhtariyetini destek ettiler.
Amma çoqusı (45%) ayttı ki, Qırım işğalden azat etilecek soñ yarımadağa muhtar cumhuriyeti statusını qaytarmağa isteyler. Olarnıñ çoqusı ğarpta (50%), eñ azı Kıyivde (36%) yaşay. Bu ğaye destek etken erkeklerniñ sayısı 40%, qadınlarnıñ sayısı ise 26%dir.
Daa az insanlar, Qırım vilâyetiniñ teşkil etilmesini isteyler - 32%. Bu ğaye destek etken insanlarnıñ çoqusı Ğalıçınada (37%) ve eñ az insanı Ukrainanıñ ğarbında (28%) yaşay. Maqbul vilâyetni teşkil etmege daa çoq erkek (37%) degil, qadın (51%) destek etti
Qırım işğalden azat etilecek soñ onıñ mümkün olacaq statusı aqqında ne bilemiz
Bu sene mayıs ayında POniñ başınıñ mesleatçısı Mıhaylo Podolâknıñ Qırım yarımadasınıñ statusına dair arizasında qayd etildi ki, Qırım işğalden azat etilecek soñ muhtariyet statusını coya bilir. Akimiyet vekilleri ve işğal etilgen bölgeniñ sakinleri arasında bu ariza, çoq şamata yarattı. Susplne Qırım, Qırımnıñ kelecek statusına dair Qırım sakinleri ve ukrain mebuslarınıñ fikirlerini ögrendi.
Bozarğan ayda "Kelecek forumı"nda Ukraina prezidentiniñ Qırım MCdeki vekili Tamila Taşeva, yarımada işğalden azat etilecek soñ onıñ mümkün olacaq statuslarını bildirdi: status quo – Qırım Muhtar Cumhuriyeti ve Aqyar şeeri, qırımtatar halqınıñ öz taqdirini tayin etme aqqınen qırım muhtariyeti ya da Qırım vilâyeti. Aynı zamanda Aqyarnıñ, rus laflarına esaslanğan mahsus statusını lâğu etmege isteyler.
Orta küz ayında Qırımtatar Milliy Meclisiniñ başı bildirdi ki, Qırım yarımadası - Ukrainanıñ ayırılmaz parçasıdır. Onıñ toprağında teşkil etilgen Qırım Muhtar Cumhuriyeti ve Aqyar şeerini milliy-topraq muhtariyetine deñiştirmek kerek. O, Ukraina Cenunnamesinde tesbit etilgen vazifelerni yapar. O, böyle muhtariyetniñ neni yapacağını añlattı.
Telegram, Viber ve Facebookta Suspilne Qırım haberlerine abune oluñız
