2024 senesiniñ soñuna qadar Qırımda işğalciler, Hansaraynıñ restarvatsiyasını bitirmege planlaştıralar.
FoPostqa tefsir etkende işğal etilgen Qırım Medeniyet nazirliginiñ matbuat hızmeti bu aqqında haber berdi.
“FTsPniñ tedbirlerini bitirüv plan-grafigine köre 2024 senesiniñ soñunda işler bitirmeli”, - dep bildirildi.
Şu anda yedi obyektte işler tamamının bitirildi. Aynı zamanda “restavratsiya”nıñ fiyatı eki kere arttı. 2018 senesi birinci fiyatı 1,6 mlrd ruble, şimdi ise 3,6 mlrd rubledir.
“Qırımda yoldaş” radiosınıñ canlı yayınında işğal etilgen Bağçasaraynıñ başı Dmıtro Skoblikovnıñ bildirgenine köre, şu anda Çürük Suv özeni yanındaki şatırğan divarnı “tamir eteler”.
Bağçasaraydaki Hansaraynıñ restavratsiyası aqqında ne bilemiz
2017 senesi umumiy dünyada belli olğan tarihiy ve medeniy abideniñ qanunsız restavratsiyası başladı, 2020 senesine qadar onı bitirecek ediler. İşlerniñ fiyatı er vaqıt arta, bitirüv tarihı ise uzatıla edi. Soñ deñişmelerden evel 2023 senesiniñ soñuna qadar tamir bitirecek ediler.
2022 senesiniñ soñunda Bağçasaray tarihiy ve medeniy qoruğınıñ sabıq reberi Elmira Alâlimiva “Qırım.Aqiqat”qa añlattı ki, “rekonstruktsiya” içün işğal akimiyeti, adiy qurucılıq normalarnı qullana, medeniy miras olğan obyektler içün bu yapılmaz. Küz ve qış mevsiminde işler yapalar, memuriy obyektler içün bu da yapılmaz. Bunıñ içün bu işlerni, viran işleri olaraq tanımaq mümkün.
Bağçasaraydaki Hansarayı - dünyada belli olğan tarih ve medeniyet abidesi, dünyada qırımtatar saray memuriyetiniñ tek örmegidir. Saray, Bağçasaray tarihiy ve medeniy qoruğınıñ parçasıdır. 1532 - 1783 ss. bu, Qırım hanlığınıñ ükümdarlarınıñ - Geray sülâlesiniñ iqametgâhı edi.
İşğal etilgen Qırımdaki tarihiy abidelerniñ, şu cümleden Bağçasaraydaki Hansaraynıñ viran etmesini toqtatmaq maqsadınen 2023 senesi qara qış ayınıñ 14-ünde Ukrainanıñ vaqtınca isğal etilgen topraqlarınıñ reintegratsiya meseleleri nazirligi UNESCOnı RFa tesir pekitmege çağırdı.
Saban ayında Ukraina Medeniyet ve malümat siyaseti nazirligi haber berdi ki, Qırımnıñ işğal akimiyeti tarafından yapılğan Hasnaraynıñ 'restavratsiyası'nı er vaqıt nezaret ete. Müessise qayd etti ki, saraynen bağlı vaziyet, milliy faciadır. İşğalcilerniñ areketleri ise saraynıñ tarihiy ve medeniy qıymeti içün telükedir.
Telegram, Viber ve Facebookta Suspilne Qırım haberlerine abune oluñız
