Boş aynıñ 21-iniñ aqşamı ve boş aynıñ 22-siniñ gecesi işğal etilgen Qırımndaki Saq rayonınıñ sakinleri bir qaç şiddetli patlama duydılar. Bundan ğayrı, Saq tarafından kökte parlaq ışıq alınuv köründi.
Qırımnıñ yerli sakini Suspilnege bu aqqında haber berdi.
"Men Saq rayonında, Saq şeerinden 15 km uzaqlıqta yaşayım. Tünevin saat 19:00da eki şiddetli patlama duyuldı. Soqqaqa çıqqan soñ şeer tarafında kökte parlaq ışıq alınuvnı kördim. Gece maalinde de şiddetli patlamalar duyuldı, pek qorqunç edi", — dep qayd etti o.
Qırımdaki soñ patlamalar aqqında ne bilemiz
- Soñ ay devamında RF Mudafaa nazirligi bildirdi ki, eñ az 70 Deron Qırımnı üzüm etken. Aynı zamanda yarımadadaki arbiy obyektlerge uruv ya da tüşürilgen uçucısız aletlerniñ sayısını tesbit etmek mümkün olmay, çünki işğalciler bu bilgilerni gizleyler.
- 2022 senesi arman ayından başlap deyerli er kün Qırımda ve Aqyarda patlamalar duyulır. İşğalciler, "ukrain uçucısız aletleri"ne ateşler, "Ava mudafaası sistemasınıñ çalışması" ya da "rus askerleriniñ oqumaları"nı bildireler.
- Boş aynıñ 21-iniñ aqşamı işğal etilgen Kezlevde şiddetli patlama duyuldı. Saq şeerindeki TES yana edi, ğaliba.
- Boş aynıñ 17-sinde işğal etilgen Aqyarda körfezler tarafından patlamalar duyuldı. Bundan soñ şeerde ava telükesi ilân etildi.
- Boş aynıñ 9-ında Aqyarda şiddetli patlama duyuldı, ruslar "Neptun" raketasını tüşürgenlerini bildirdiler.
Telegram, Viber ve Facebookta Suspilne Qırım haberlerine abune oluñız
