Orta küz ayınıñ 30-ında vaqtınca işğal etilgen Aqyarda patlamalara duyuldı. İşğal akimiyeti, şeerde ANSniñ çalışqanını bildirdi.
Yerli eali, Suspilne Qırımğa tefsir etkende şiddetli patlamalarnı tasdıqladılar.
Şeerde ava telükesi ilân etilgen soñ deñiz ve topraq içtimaiy naqliaytı toqtadı. Bundan ğayrı, işğalciler Qırım köpründe maşna naqliyatınıñ areketini toqtattılar.
Birazdan Aqyar şeeriniñ işğal gubernatorı Mıhaylo Razvojayev haber berdi ki, şeerde AVM çalışa.
"Birinci bilgilerge köre, Aqyar şeeri astında askerler, eki ava maqsadını tüşüdiler. Bütün hızmetler, vaziyetni kontrol eteler. YÇDSniñ bilgilerine köre, Şimaliy taraftaki 27. mektep toprağı, Pasiçna soqağı ve İnkermağa raketa parçaları tüşti", — dep bildirildi.
Bundan ğayrı, o qayd etti ki, raketa parçalarınıñ tüşkeninden sebep 57 yaşındaki adam yaralandı.
Bundan başqa, ava telükesi vaqtında bu künde eki kere Aqyar körfezinde işğalciler, tuman perdesini qullandılar.
Saq şeerinde patlamalar
Saq şeeri ve rayonında , elektrik qısmen kesildi, dep yerli sakin Suspilne Qırımğa haber berdi. Bundan evel bir qaç patlama duyuldı.
UPD. RF Mudafaa nazirligi bildirdi ki, ücüm neticesinde AMS bütün raketalarnı tüşürdi.
"Orta küz ayınıñ 30-ında tahminen saat 13.00te kıyiv rejimiñ Qırım yarımadasındaki obyektlerge "Storm Shadow" sekiz qanatlı raketasınen ücümi toqatıldı", — dep bildirildi.
Qırım köpründeki patlamalar aqqında ne bilemiz
- Orta küz ayınıñ 24-ünde aqşam maalinde Aqyarda bir qaç şiddetli patlama duyuldı. Aynı kün RF Mudafaa nazirligi bildirdi ki, Qara deñizde Ukraina Arbiy-deñiz quvetleriniñ üç suv astındaki dronı tapılıp mahv etildi.
- Orta küz ayınıñ 23-ünde işğal etilgen Aqyarda uzaq patlamalar duyuldı. Şeerniñ işğal gubernatorı bildirdi ki, tış reydde patlamalar duyuldı. Şu anda o yerde RF Qaradeñiz flotunıñ gemilerinde oquylar.
- Orta küz ayınıñ 18-inde işğal etilgen Aqyarda şiddetli patlama duyuldı. Aynı kün belli oldı ki, işğal etilgen Aqyarda Rusiye Qaradeñiz flotunıñ silâ yedeklerine raketa urdı, bir rus askeri yaralandı.
- Orta küz ayınıñ 17-sinde Qırımnıñ işğal başı Serhiy Aksönov bildirdi ki, Qırım yanında sanki 8 uçucısız alet mahv etilgen.
Telegram, Viber ve Facebookta Suspilne Qırım haberlerine abune oluñız
