İşğalcilerniñ ukrain Qırımınıñ yalısı yanında bulunması, rus gemileriniñ tehnikiy alına zarar berir.
USQniñ Arbiy-deñiz quvetleriniñ nutuqçısı Dmıtro Pletençuk, Suspilne Qırımğa bu aqqında haber berdi.
"Aynı zamanda biz tek hatırlatamız ki, rus işğalcileri ukrain Qırımınıñ yalısı yanında bulunmamalılar. Anda bulunmaq, olarnıñ gemileriniñ tehnikiy alına zarar berir", — dep qayd etti o.
Şaatlarğa atıf eterek, "Qırım yeli" Telegram kanalı haber berdi ki, işğal etilgen Aqyarda yañı "Vladimir Kozitskiy" 23040G leyhası minağa qarşı rus gemisi patladı.
,Şaatlarnıñ sözlerine köre, Aqyar körfeziniñ tış reydinde bu gemi patladı. Bundan evel bir qaç kün devamında münalarnı qıdıra edi. Maşna bölüginden tuman çıqmağa başladı. Gemige buksir ketirdiler ve Striletska körfezi tarafına süyreklep çıqardılar.
Suspilne Qırımğa tefsir etkende Pletençuknıñ qayd etkenine köre, Silâlı Quvetler bu malümatnı tasdıqlamadılar, amma doğru olmağanını da isbatlamadılar.
Telegram, Viber ve Facebookta Suspilne Qırım haberlerine abune oluñız
